Uttarakhand Flood: بارش، سیلاب اور لینڈسلائڈنگ سے حالات بے قابو، 44 اموات

اتراکھنڈ میں جاری بارش نے بھاری تباہی مچائی ہے۔ بارش، سیلاب اور لینڈ سلائڈنگ کی وجہ سے اب تک 44 افراد کے ہلاک ہونے کی طلاع ہے۔ لینڈ سلائڈنگ کی وجہ سے متعدد لوگ لاپتہ بتائے جا رہے ہیں۔ نینی تال ضلع کا سڑک رابطہ ملک و دنیا سے کٹ چکا ہے۔ چہار جانب تباہی کے مناظر ہیں۔

اتراکھنڈ میں بارش، سیلاب اور لینڈ سلائیڈنگ کی وجہ سے حالات بہت خراب ہو گئے ہیں۔ اب تک 44 افراد قدرتی آفات کی وجہ سے اپنی جانیں گنوا چکے ہیں۔ کئی جگہوں کا مرکزی دھارے سے رابطہ ختم ہو گیا ہے۔ نینی تال شہر کا سڑک رابطہ ملک سے منقطع ہوگیا ہے۔ دوسری جانب ضلع نینی تال کے رام گڑھ میں ایک گھر پر ملبہ گرنے سے 5 افراد ہلاک ہو گئے۔ جبکہ 1 شخص زخمی بتائے جارہے ہیں۔ رام گڑھ میں ریلیف اور ریسکیو کام کے لیے فوج اور فضائیہ کو بلایا گیا ہے۔

اتراکھنڈ میں جاری تباہی پر وزیر اعظم نریندر مودی نے اتراکھنڈ کے وزیراعلیٰ پشکرسنگھ دھامی اور اتراکھنڈ کے وزیر اجے بھٹ سے بات کی اور موسلا دھار بارش سے پیدا ہوئے حالات کا جائزہ لیا۔

ریاست میں مسلسل بارش ہو رہی ہے۔ محکمہ موسمیات نے آج ریاست کے زیادہ تر حصوں میں تیز سے بہت تیز بارش کی پیش گوئی کی ہے۔ کل بارش سے پیدا ہونے والے حالات کی وجہ سے ریاست میں پانچ افراد کی موت ہوگئی۔

وزیراعلیٰ پشکر سنگھ دھامی نے تمام ضلع مجسٹریٹس سے فون پر بات کی ہے اور انہیں ہدایت دی ہے کہ وہ اپنے اپنے اضلاع کے بارے میں ہر گھنٹے رپورٹ دیں۔ وزیراعلیٰ نے چار دھام جانے والے تمام یاتریوں سے اپیل کی ہے کہ وہ موسلادھار بارش کے الرٹ کے پیش نظر احتیاطی اقدامات پر عمل کریں۔