ہاردک پٹیل نے خواجہ غریب نوازؒ کے در پر دی حاضری

ملک بھر میں پاٹیدار تحریک کو پوری شدت سے چلانے والے اور بی جے پی حکومت کی مخالفت سے سرخیوں میں آئے ہاردک پٹیل اجمیر شریف درگاہ پہنچے جہاں انہوں نے عقیدت کی چادر دربار میں پیش کر ملک کی سلامتی اور ترقی کی دعا مانگی۔

پاٹیدار تحریک کے بانی ہاردک پٹیل نے بی جے پی حکومت کے خلاف جم کر اپنا غصہ بھی نکالا۔

ملک کے موجودہ حالات اور لو جہاد کے معاملے کو لے کر ہاردک پٹیل نے بی جے پی حکومت پر الزامات لگاتے ہوئے کہا کہ 'موجودہ حکومت ملک کی عوام کو دو حصوں میں تقسیم کرنے کا کام کر رہی ہے جبکہ ہم تمام مذہب کے نوجوانوں کو ایک ساتھ جوڑ کر تعلیمی دائرہ میں اضافے کے لیے جنگ لڑ رہے ہیں'۔

ہاردک پٹیل اور ان کے تمام ساتھیوں کو حضرت خواجہ معین الدین حسن چشتیؒ کی بارگاہ میں زیارت خادم سید سہیل نیازی نے کرائی اور تبرک پیش کیا۔

جب کہ خادموں کی انجمن سید زادگان کی جانب سے سیکریٹری سید واحد حسین انگارا شاہ نے پائتی دروازہ پر ہاردک پٹیل اور ان کے ساتھیوں کی دستار بندی کر انہیں تحفۂ غریب نواز پیش کیا۔