Gyanvapi Masjid Row: گیانواپی مسجد معاملہ میں اکھلیش یادو اور اسدالدین اویسی پر درج مقدمہ کی سماعت ملتوی

گزشتہ روز اکھلیش یادو اور اسد الدین اویسی نے گیانواپی مسجد کیمپس میں پائے جانے والے مبینہ شیو لنگ کو فوارہ کہا تھا جس کو لیکر ان کے خلاف عدالت میں مقدمہ دائر کیا گیا تھا۔ Case filed against owaisi and akhilesh yadav

وارانسی: گیانواپی مسجد کیمپس میں پائے جانے والے مبینہ شیو لنگ کو فوارہ کہنے کے معاملے میں اکھلیش یادو، اسد الدین اویسی سمیت دیگر کئی لوگوں کے خلاف مقدمہ درج کرنے کے مطالبے پر سماعت ملتوی ہوگی۔ ایڈوکیٹ ہریہر پانڈے نے مقدمہ دائر کیا ہے۔ وارانسی کے اسپیشل جوڈیشل مجسٹریٹ پنچم کی عدالت میں دفعہ 156(3) کے معاملے کی سماعت ہونی تھی۔ Plea filed against owaisi and akhilesh yadav

اطلاعات کے مطابق وکیل ہریہر پانڈے نے عدالت کو دی گئی درخواست میں کہا ہے کہ گیانواپی مسجد کیمپس میں اکھلیش یادو، اسدالدین اویسی سمیت دیگر کئی لوگوں کے ذریعہ ملے مبینہ شیولنگ کو فوارہ کہا جا رہا ہے۔ یہ لوگ مسلسل ایسے بیانات دے رہے ہیں جس سے ہندوؤں کے عقائد کو ٹھیس پہنچی ہے۔ ہریہر پانڈے نے عدالت سے مطالبہ کیا ہے کہ اکھلیش یادو، اویسی، ان کے بھائی اور بنارس کی مسلم جماعتوں سمیت کچھ مسلم مذہبی رہنماؤں اور مسجد میں نماز پڑھنے گئے دو ہزار سے زیادہ لوگوں کے خلاف ایف آئی آر درج کی جائے۔ عدالت اس معاملے کی دفعہ 156(3) کے تحت آج سماعت کرے گی۔