گجرات انتخابات میں بی جے پی کی جیت کا اثر 2024 میں نظر آئے گا، امت شاہ

مرکزی وزیر داخلہ امت شاہ نے کہا کہ 2024 کے لوک سبھا انتخابات پر گجرات اسمبلی انتخابات میں بی جے پی کی جیت کا اثر دیکھنے کو ملے گا۔ Amit Shah On 2024 Lok Sabha Election

نئی دہلی:مرکزی وزیر داخلہ امت شاہ نے اتوار کے روز کہا کہ حال ہی میں ختم ہونے والے گجرات اسمبلی انتخابات میں بی جے پی کی زبردست جیت پوری سیاسی تصویر کو بدل دے گی۔ انہوں نے کہا کہ اس کا اثر 2024 کے لوک سبھا انتخابات پر پڑے گا۔ سنہ 2022 میں بی جے پی کی تاریخی کامیابی کا حوالہ دیتے ہوئے انہوں نے کہا کہ نتیجہ گجرات کے پارٹی کا گڑھ ہونے کا ثبوت ہے۔ وزیر داخلہ نے اتوار کو سورت سٹی اور ضلع بی جے پی کے زیر اہتمام نو منتخب اراکین اسمبلی کی ایک تقریب سے خطاب کرتے ہوئے یہ تبصرہ کیا۔ انہوں نے کہا کہ اس الیکشن میں کئی نئی پارٹیاں آئیں، طرح طرح کے دعوے کیے، لیکن نتائج کے بعد وہ تمام پارٹیاں بے اثر ثابت ہوئیں۔ نتائج سے ظاہر ہوا کہ گجرات کے لوگ وزیر اعظم نریندر مودی اور بی جے پی کے استقبال کے لیے تیار تھے۔ اس جیت نے ملک کو ایک مضبوط پیغام دیا ہے کہ گجرات خطہ بی جے پی کا گڑھ تھا اور رہے گا۔ Gujarat victory have positive impact On 2024 Lok Sabha Election

انہوں نے کہا کہ گجرات اسمبلی انتخابات میں یہ جیت پورے ملک کے کارکنوں کے لیے جوش، تحریک اور توانائی کا باعث ہے۔ اس جیت سے پوری سیاسی تصویر بدل جائے گی اور 2024 کے لوک سبھا انتخابات پر بھی نتائج کا مثبت اثر پڑے گا۔ اس موقع پر انہوں نے گجرات بی جے پی کے سربراہ سی آر پاٹل اور وزیراعلی بھوپیندر پٹیل سمیت دیگر کو جیت کی مبارکباد پیش کی۔ ساتھ ہی پارٹی کارکنوں کو مبارکباد دیتے ہوئے انہوں نے کہا کہ 2022 کے اسمبلی انتخابات میں ریکارڈ توڑ نتائج بی جے پی کی بوتھ لیول پیج کمیٹی سے لے کر ریاستی صدر تک کے کارکنوں کی وجہ سے ہیں۔ انہوں نے مزید کہا کہ وزیر اعظم نریندر مودی کی ملک میں اور گجرات کے لوگوں میں بے پناہ مقبولیت ہے اور یہی وجہ ہے کہ وہ لوک سبھا میں دو بار گجرات کی 26 میں سے 26 سیٹیں جیت چکے ہیں۔ انہوں نے ریاست میں انتخابی مہم کے دوران ریاست بھر میں پی ایم مودی کے انتخابی دوروں کا بھی حوالہ دیا اور کہا کہ اس دورے نے گجرات میں بی جے پی حامی طوفان لایا، جسے پارٹی کارکنوں نے ووٹوں میں تبدیل کر دیا۔