Extension of Suu Kyi's Prison Term آنگ سان سوچی کی قید کی مدت میں توسیع

آزاد تجزیہ کاروں کا کہنا ہے کہ آنگ سان سوچی پرعائد کئے گئے تمام الزامات کے پیچھے سیاسی محرکات کارفرما ہیں۔ یہ انہیں بدنام کرنے اور فوج کے اقتدار پر قبضے کو جائز قرار دینے کی کوشش ہے جب کہ اس کا مقصد انہیں اگلے انتخابات میں حصہ لینے سے روکنا ہے جس کا فوج نے 2023 میں وعدہ کیا ہے۔ Extension Of Suu Kyi's Prison Term

بنکاک: فوج کے زیر اقتدار میانمار کی ایک عدالت نے بدھ کے روز ملک کی معزول رہنما آنگ سان سوچی کو بدعنوانی کے مزید دو الزامات میں قصوروار قرار دیا۔ میانمار کی حکومت نے آنگ سان سوچی کو بدعنوانی کے الزام میں مزید چھ سال قید کی سزا سنائی۔ اس کیس کے بارے میں جاننے والے ایک ذریعے نے بتایا کہ نوبل انعام یافتہ سوچی کی کل قید کی مدت 26 سال ہو گئی ہے۔ 77 سالہ سوچی کو یکم فروری 2021 کو اس وقت حراست میں لیا گیا جب فوج نے ان کی منتخب حکومت سے اقتدار چھین لیا۔ Graft convictions extend Suu Kyi's prison term to 26 years

انہوں نے اس معاملے میں اپنے خلاف لگائے گئے تمام الزامات کی تردید کی ہے، جس میں ان پر منشیات کی اسمگلنگ کے الزام میں کئی سال قبل سزا پانے والے ٹائیکون ماؤنگ ویک سے 550,000 امریکی ڈالر بطور رشوت وصول کرنے کا الزام تھا۔ وہ پہلے ہی واکی ٹاکیز کو غیر قانونی طور پر درآمد کرنے، کورونا وائرس کی پابندیوں کی خلاف ورزی، ملک کے آفیشل سیکرٹ ایکٹ کی خلاف ورزی، بغاوت، انتخابی دھوکہ دہی اور بدعنوانی کے دیگر پانچ الزامات میں جرم ثابت ہونے پر 23 سال قید کی سزا سنائی جا چکی ہے۔

آزاد تجزیہ کاروں کا کہنا ہے کہ تمام الزامات کے پیچھے سیاسی محرکات کارفرما ہیں اور انہیں بدنام کرنے اور فوج کے اقتدار پر قبضے کو جائز قرار دینے کی کوشش ہے جب کہ انہیں اگلے انتخابات میں حصہ لینے سے روکنا ہے جس کا فوج نے 2023 میں وعدہ کیا ہے۔