لکھنؤ: متحدہ عرب امارات (یو اے ای) کے نمائند وفد نے ہفتہ کو اعتماد کا اظہار کیا کہ گلوبل انوسٹر سمٹ اترپردیش کے ساتھ ان کے ملک کے تعلقات میں میل کا پتھرا ثابت ہوگا۔ یو اے ای کے وزیر ایچ ای احمد بن علی الشیخ و منسٹر آف اسٹیٹ فار فارین ٹریڈ، منسٹری آف اکانومی ایچ ای ڈاکٹر تھانی بن احمد ال زیاد نے جی آئی ایس کے دوسرے دن ہفتہ کو کہا کہ یہ صرف ایک آغاز ہے۔ آنے والے وقت میں ہمارے بہت سے سرمایہ کار یوپی کا رخ کریں گے اور یوگی حکومت کے ذریعہ یوپی میں لائی گئی تبدیلی و سرمایہ کاری کے موافق ماحول کا فائدہ اٹھائیں گے۔
ہندوستان اور یو اے ای کے درمیان جو روایتی اور اقتصادی تعلقات سے چلے آرہے ہیں۔ اترپردیش گلوبل انوسٹر سمٹ کے ذریعہ سے ان مزید تیزی آئے گی۔ خاص طور سے اترپردیش اور یو اے ای کے لئے یہ پروگرام میل کا پتھر ثابت ہوگا۔ اس موقع پر ریاست کے ایم ایس ایم ای وزیر راکیش سچان نے کہا کہ 23 ستمبر 2021 کو ہندوستان حکومت اور یو اے ای کے درمیان مالی معاونت کے حوالے سے شراکت داری ہوئی تھی۔ اس کے بہت مثبت نتائج دیکھنے کو ملے ہیں۔اس شراکت داری کی وجہ سے یو اے ای اور ہندوستان کے درمیان کاروبار میں کئی گنا اضافہ ہوا ہے۔ یو اے ای سے ایکسپورٹ اور امپورٹ 50 بلین ڈالر ٹک پہنچ گیا ہے۔ ہمیں یوپی میں یو اے ای کے ساتھ اچھے تعلقات کی توقع ہے۔