مکیش امبانی کی رہائش گاہ کے باہر مشتبہ کار ملنے سے سراسیمگی

ممبئی میں واقع ملک کے معروف صنعتکار مکیش امبانی کی رہائش گاہ کے باہر ایک مشتبہ کار سے جلیٹن کی چھڑیاں برآمد ہوئیں جس کے بعد علاقے میں سکیورٹی بڑھا دی گئی ہے۔

مکیش امبانی کی رہائش گاہ اینٹیلیا کے باہر مشتبہ کار میں سے 20 جلیٹن کی چھڑیاں ملیں جس کے بعد ممبئی پولیس کی ٹیم موقع پر پہنچ گئی ہے اور امبانی کے گھر کے قریب سکیورٹی انتظامات سخت کر دئے گئے ہیں۔

Gelatin sticks found near Antilia

مکیش امبانی کے گھر کے باہر مشتبہ ایس یو وی کار ملی۔ اسکارپیو ایس یو وی کو ممبئی کے پیڈر روڈ پر امبانی کی رہائش گاہ 'انٹیلیا' کے قریب دیکھا گیا تھا۔

مشکوک کار ملنے کے بعد امبانی کے گھر کے سکیورٹی اہلکاروں نے مقامی پولیس کو اطلاع دی جس کے بعد متعدد پولیس اہلکار موقع پر پہنچ گئے اور تفتیش شروع کردی۔

سی سی ٹی وی فوٹیج میں دیکھا گیا کہ یہ کار دوپہر میں ایک بجے کے آس پاس پارک کی گئی تھی۔

مہاراشٹر کے وزیر داخلہ انل دیشمکھ نے کہا کہ اس معاملے میں تحتیقات شروع کر دی گئی ہے۔

واضح رہے کہ اس سے قبل مکیش امبانی کو جان سے مارنے کی دھمکی بھی ملی تھی۔