بہار کےگیا میں جتنے کپڑے لگن اور تہوار میں نہیں فروخت ہوئے اس سے کہیں زیادہ یہاں سے بنکر ریاست سمیت دوسری ریاستوں میں کفن کے کپڑے فروخت ہورہے ہیں۔
کفن کے کپڑے تیار کرنے کا مطالبہ بڑھا ہے۔ کپڑا تیار کرنے والے کارخانے کے مطابق پچاس ہزار روزانہ کفن فروخت کیےجارہے ہیں۔ سب سے زیادہ بنگال اور یوپی سے کفن کے کپڑے کی مانگ ہورہی ہے۔
عالمی وبا کورونا وائرس نے انسانی زندگی میں کہرام مچا رکھا ہے۔ وباء ایسی کہ اپنے اپنوں سے دور ہورہے ہیں۔ مرنے سے پہلے ہی رشتے دور ہوجاتے ہیں۔ اس مرتبہ وبا سے ہزاروں ہزار جانیں جارہی ہیں اور جانوں کا خطرہ برقرار ہے۔ اسکا اندازہ اسی سے لگایا جاسکتا ہے کہ اچانک سے کفن کے کپڑے خاص طور پر ہندو مذہب کے اعتبار سے جو مذہبی عبارت لکھی ہوتی ہے، اس کفن کا مطالبہ بڑھا ہے۔
گیا کے مانپور پٹوا ٹولی میں واقع پاور ہینڈلوم سے کفن تیار ہورہے ہیں۔گزشتہ بیس دنوں سے یہاں سے ہردن کم سے کم پچاس ہزار عدد کفن کی سپلائی بہار ، اور بنگال کے لیے کی جارہی ہے ۔
یہ پٹواٹولی ہے جو گمچھا چادر کفن اور دیگر کپڑے تیار کرتاہے ۔ویسے تو پٹواٹولی کے بنکروں کو سوتی گمچھے و چادر تیار کرنا اہم پیشہ ہے، ان چیزوں کو تیار کرنے والے لوگوں میں سے صرف چھ کاروباری ایسے ہیں جو گمچھے کے ساتھ کفن بھی پورے سال تیار کرتے ہیں۔
بتایا جاتاہے کہ ان چھ افراد کے کچھ بڑے کارخانے ہیں اور کچھ چھوٹے کارخانے ہیں ، بڑے کارخانے پاورلومز سے تیار کرتے ہیں تو چھوٹے کارخانے ہینڈ مشین سے تیار کرتے ہیں۔
کفن کے تاجر دوارکا پرساد کا کہنا ہے کہ فروری اور مارچ کے مہینوں میں کفن کی صرف 15 سے 20 ہزار کھپت تھی۔ لیکن اپریل میں زبردست تباہی مچی ہے۔ کفن کی اچانک مانگ اپریل کے بعد سے بڑھ گئی ہے۔ عالم یہ ہے کہ اپریل کے مہینے سے لے کر اب تک ہر روز کفن کے 15 سے 20 ہزار ٹکڑے تیار کرکے تھوک فروشوں کو دیے جارہے ہیں۔
ان کا کہنا ہے کہ آج کل گمچھے اور چادروں کا کاروبار پوری طرح ٹھپ ہو چکا ہے۔ اس کا کوئی آرڈر نہیں ہے۔ اگر آرڈرز ہیں تو وہ صرف کفن والے ہیں۔ یہی وجہ ہے کہ آرڈر کو پُر کرنے کے لئے ہمیں ان دنوں چوبیس گھنٹے کام کرنا پڑتا ہے۔ دوارکا پرساد نے بتایا کہ بنیادی طور پر چھ افراد اس کام سے وابستہ ہیں۔ ان سب کے اچھے ڈیمانڈ ہیں۔ یہاں کارخانے سے 40-50 ہزار عدد کفن کی فراہمی کی جارہی ہے۔کورونا نے ہزاروں گھروں کو تباہ کردیا ہے۔ اگر یہ نہیں ہے تو پھر بہت سارے آرڈرز نہیں آتے۔ اپنی 45 سال کی زندگی میں کبھی اتنا مطالبہ نہیں دیکھا۔ انہوں نے بتایا کہ یہاں سے سامان بہار کے تمام بڑے شہروں میں جاتا ہے۔ پٹنہ کفن کا مرکزی بازار ہے۔
دوسری طرف ہینڈ مشینوں پر کام کرنے والے سریش تانتی کا کہنا ہے کہ پچھلے 25 دنوں سے کفن کی مانگ میں اضافہ ہوا ہے۔ ہر دن کفن کے تین سے پانچ ہزار پیس تیار ہورہے ہیں۔ پورا کنبہ اس کفن کی تیاری میں مصروف ہے۔ فروری اور مارچ میں یہ مسئلہ نہیں تھا۔ ان دنوں میں صرف ایک سے دوہزار کے آرڈر تھے۔لیکن اب زیادہ ہیں۔
اس دوران ایک اور دوسرے تاجر پٹوا کا کہنا ہے کہ فروری تا مارچ میں کفن آرڈر کی رفتار معمول کی بات تھی۔ ان مہینوں میں، ہر دن ہزار سے دو ہزار پیس کے آرڈر آئے تھے۔ لیکن اپریل کا معاملہ مختلف ہے۔ آرڈر کی تعداد دیکھ کر ذہن چند لمحوں کے لئے ناخوش ہوجاتا ہے ، لیکن کیا کرنا ہے اگر یہ معاش ہے تو پرورش کی خاطر یہ کام کرنا پڑے گا۔ پچھلے بیس دن سے ، ہر روز 4-5 ہزار آرڈرز کے پیس مختلف اضلاع اور شہروں کے تھوک فروشوں سے آرہے ہیں۔
