تفصیلات کے مطابق ضلع گاندربل کے سرژچ علاقے میں سیکورٹی فورسز اور عسکریت پسندوں کے درمیان تصادم ہونے کی اطلاع ہے، جس میں ایک عسکریت پسند ہلاک ہوا ہے۔ جس کا تعلق لشکر طیبہ سے بتایا جا رہا ہے۔
ہفتہ کو پلوامہ، گاندربل اور ہندواڑہ اضلاع میں الگ الگ انکاؤنٹر میں چار عسکریت پسند ہلاک ہوئے ہیں۔
انسپکٹر جنرل آف پولیس کشمیر وجے کمار نے کہا کہ ہم نے کل رات 4-5 مقامات پر مشترکہ آپریشن کیا۔ اب تک پلوامہ میں جیش کے دو عسکریت پسند، گاندربل میں لشکر کا ایک عسکریت پسند اور لشکر کا ایک عسکریت پسند ہندواڑہ میں مارا گیا ہے۔
آئی جی پی نے کہا کہ تینوں جگہ پر تصادم ابھی جاری ہیں۔ اور ہم دوسرے مقامات پر بھی تصادم کے لیے تیار ہیں۔
ذرائع کے مطابق سیکورٹی فورسز کو علاقے میں عسکریت پسندوں کی خفیہ اطلاع موصول ہوئی تھی، جس کے بعد کشمیر پولیس، فوج اور سی آر پی ایف نے مشترکہ کارروائی شروع کی ہے۔
یہ بھی پڑھیں: