''بی جے پی مسلمانوں کے ساتھ ہے''

ریاست کرناٹک کے دارالحکومت بنگلور میں کورونا متاثرین کی خدمت میں مصروف متعدد فرنٹ لائن ورکرز کو وزیر برائے اعلیٰ تعلیم ڈاکٹر اشوتھ نارائن کی جانب سے اعزاز پیش کیا گیا اور ان کی حوصلہ افزائی کی گئی۔

وزیر برائے اعلیٰ تعلیم ڈاکٹر اشوتھ نارائن نے کہا کہ فرنٹ لائن ورکرز کی خدمات بلاشبہ مثالی ہیں لہٰذا انہیں اعزاز دینا ہم سبھی کے لئے خوش نصیبی ہے۔ اس موقع پر انہوں نے اقلیتوں سے اپیل کی ہے کہ وہ محکمۂ اقلیتی بہبود کی تمام اسکیمز سے فائدہ اٹھائیں۔

اس موقع پر سابق ریاستی وزیر آر روشن بیگ کے قریبی پیروکار شکیل احمد خان نے اپنے ساتھیوں کے ہمراہ بھارتیہ جنتا پارٹی میں شمولیت حاصل کی اور بتایا کہ ان کی بی جے پی میں شمولیت کا مقصد قوم و ملت کی فلاح و بہبود ہے۔

frontline workers serving

اس موقع پر ڈاکٹر اشوتھ نارائن نے شکیل احمد خان کو خوش آمدید کہا اور کہا کہ مسلمانوں کو خوفزدہ ہونے کی ضرورت نہیں ہے بلکہ بی جے پی ان کے ساتھ ہے۔