عام آدمی پارٹی(عاپ)لیڈروں نےاور دہلی کے نائب وزیر اعلی منیش سسودیا نے آج یہاں اعلان کیا کہ اترپردیش میں ان کی پارٹی کی حکومت بننے پر دہلی کی طرح اترپردیش میں بھی 300یونٹ تک بجلی کے بل معاف کر دیا جائے گا۔
مینش سسودیا نےآج میڈیا نمائندوں سے بات چیت میں کہا کہ عاپ کی حکومت بننے پر24گھنٹوں کے اندر 300یونٹ تک گھریلو بجلی مفت کردی جائے گی۔
انہوں نے کہا کہ اترپردیش کی عام عوام مہنگی بجلی سے پریشان ہیں اور دہلی کی طرح بجلی کے مہنگے بوجھ سے نجات حاصل کرنا چاہتے ہیں۔
کسان بہت دکھی ہیں کیونکہ اس کے فصل کی قیمت تو یوگی حکومت نےگھٹادی اور بجلی بہت مہنگی کردی گئی۔
انہوں نے کہا کہ'عاپ کنوینر اروند کیجریوال کی گارنٹی ہے کہ اترپردیش کے ہر ایک کسان کا کھیتی کے لئے استعمال کی جانے والی بجلی کا بل صفر کیا جائےگا۔
پھر کسان چاہے جتنی بھی بجلی استعمال کرے۔
یوگی حکومت نے بجلی اتنی مہنگی کر دی ہے کہ عام لوگوں سے بجلی کے بل نہیں ادا کئے جارہے ہیں۔
کسی کے گھر ایک لاکھ کا بل، کسی کے گھر 1.5لاکھ کا بجلی بل آرہا ہے۔اور حکومت کہہ رہی ہے کہ آپ بجلی بل جمع کریں ورنہ مجرم مانیں جائیں گے۔
عاپ لیڈر نے کہا کہ اترپردیش میں سینکڑوں کیس ہیں جہاں عام شہریوں نے مہنگی بجلی کے بل نہ جمع کر پانے کی وجہ سے خودکشی کی ہے۔
علی گڑھ کے کسان رام جی لال کو 1.5لاکھ کا بجلی بل بھیج گیا جو بل نہیں جمع کرسکتے تھے اس لئے انہوں نے خودکشی کرلی۔
عاپ کی حکومت بننے کے بعد 24گھنٹوں کے اندر ہرآدمی کو گھریلو استعمال کے لئے 300یونٹ بجلی بالکل مفت ملے گی۔
انہوں نے کہا کہ میں بجلی بل کے سبھی بقایہ داروں سے کہنا چاہتا ہوں کہ گھبرائے مت تھوڑا صبر رکھیں اور آنے والے اسمبلی انتخاب میں عاپ کی حمایت کیجئے۔
عاپ کی حکومت بنتے ہی ان بلوں کو پھاڑ کر پھینک دیا جایجئے کیونکہ سب کے پچھلے سارے بقایہ جات معاف کردئیے جائیں گے۔
انہوں نے کہا کہ اگر مہنگی بجلی اور مہنگا بل آپ کے گھر آتا ہے تو اس میں مجرم آپ نہیں بلکہ مجرم تو وہ حکومت ہے جو مہنگی بجلی آپ کو فروخت کر کے پیسہ کمار ہی ہے۔وہ کیا پارٹی ہے جو بجلی مہنگی کر کے اپنا چندہ اکٹھا کررہی ہے۔
یو این آئی
