دارالحکومت دہلی کے اولڈ سیمیا پوری میں آتشزدگی کا واقعہ پیش آیا۔ اس آتشزدگی میں 4 افراد کی موت ہو گئی۔ بتایا جا رہا ہے، کہ جاں بحق ہونے والوں میں 2 خواتین بھی شامل ہیں۔
فائر بریگیڈ کے موصولہ اطلاع کے مطابق یہ آتشزدگی صبح 4:07 بجے اولڈ سیما پوری کے ایک مکان میں ہوئی ہے، جس میں خواتین سمیت چار لوگوں موت ہوگئی۔ ان کی موت دم گھٹنے سے ہوئی ہے۔
فی الحال پولیس نے لاش کو پوسٹ مارٹم کے لیے بھیج دیا ہے اور مزید کارروائی شروع کر دی ہے۔
یہ بھی پڑھیں: نوئیڈا: کار سیٹ کور بنانے والی کمپنی میں آتشزدگی، لاکھوں کا سامان خاکستر
اس سے قبل 24 اکتوبر کو پولیس اسٹیشن سیکٹر-20 نوئیڈا علاقے کے تحت سیکٹر-10 کے پلاٹ نمبر D-148 میں کار سیٹ کور بنانے والی کمپنی میں اتوار کی رات نامعلوم وجوہات سے آگ لگ گئی۔
آگ کی وجہ سے چاروں طرف زہریلا دھواں پھیل گیا اور آس پاس کے لوگوں کو سانس لینے میں دشواری ہونے لگی۔ آگ کی اطلاع ملتے ہی فائر عملہ نے موقع پر پہنچ کر آگ پر قابو پالیا تھا۔
