مظفر نگر: سڑک حادثے میں چار افراد کی موت

ہلاک ہونے والے سبھی افراد تتاوی تھانہ علاقے کے رہائشی ہیں اور وہ کار سے میرٹھ جا رہے تھے۔ اسی دوران سرائے گیٹ کے پاس ان کی کار کی ٹرک ٹکر ہو گئی۔

ریاست اترپردیش کے ضلع مظفر نگر کے تھانہ علاقہ پھگانا میں آج صبح ایک ٹرک اور کار کے مابین زبردست تصادم ہوگیا، جس میں چار افراد ہلاک ہوگئے جن میں دو خواتین، ایک مرد اور ایک معصوم بچی شامل ہے۔

ہلاک ہونے والے سبھی تتاوی تھانہ علاقے کے رہائشی ہیں اور وہ کار سے میرٹھ جا رہے تھے، اسی دوران سرائے گیٹ کے پاس ان کی کار کی ٹرک سے ٹکر ہو گئی ہے۔

پولیس کے اعلیٰ افسران نے موقع پر پہنچ کر جائے حادثہ کا جائزہ لیا۔ پولیس نے ٹرک کو قبضے میں لے کر ڈرائیور کی تلاش شروع کردی ہے۔