آرین خان کی غلطی بس اتنی ہے کہ وہ شاہ رخ خان کا بیٹا ہے: طارق انور

طارق انور نے کہا کہ اقلیتی طبقہ کے ووٹرز سوچ سمجھ کر کام لیں کیونکہ کانگریس پارٹی قومی پارٹی ہے، کانگریس پارٹی سبھی طبقہ کو ساتھ لیکر چلتی ہے، میں سبھی طبقہ کے ووٹرز سے اپیل کروں گا کہ کانگریس ہی ایسی پارٹی ہے جو سب کا ساتھ اور سب کی ترقی چاہتی ہے۔

سابق مرکزی وزیر اور کانگریس پارٹی کے جنرل سیکرٹری طارق انور نے جمعرات کے روز بہار کے ضلع دربھنگہ کا دورہ کیا، جہاں انہوں نے ای ٹی وی بھارت سے گفتگو کرتے ہوئے کہا کہ آرین خان کی غلطی بس اتنی ہے کہ وہ شاہ رخ خان کا بیٹا ہے، میں نے اس سے متعلق ٹویٹ بھی کیا ہے۔ انہوں نے مرکزی حکومت پر تنقید کرتے ہوئے کہا کہ آپ حکومت سے سوال نہیں کر سکتے، خواہ وہ صحافی ہو، دانشور ہو یا کوئی بھی اگر سوال کریں گے تو غدار وطن قرار دئے جائیں گے۔

طارق انور نے کہا کہ اقلیتی طبقہ کے ووٹر سوچ سمجھ کر کام لیں کیونکہ کانگریس پارٹی قومی پارٹی ہے، کانگریس پارٹی سبھی طبقہ کو ساتھ لیکر چلتی ہے میں سبھی طبقہ کے ووٹروز سے اپیل کروں گا کہ کانگریس ہی ایسی پارٹی ہے جو سب کا ساتھ اور سب کی ترقی چاہتی ہے۔