شرنگلا امریکی صدر جو بائیڈن کی انتظامیہ میں اعلیٰ عہدیداروں کے ساتھ ملاقاتیں کرنے کے لیے بدھ کے روز واشنگٹن پہنچے۔ انہوں نے نائب وزیر خارجہ وینڈی شرمین سے بھی ملاقات کی۔
وزارت خارجہ کے ترجمان ارندم باغچی نے ٹویٹ کیا، 'سکریٹری خارجہ ہرش وردھن شرنگلا نے امریکی وزیر خارجہ بلنکن سے ملاقات کی۔
دوطرفہ تعلقات اور افغانستان کی صورتحال پر بات چیت ہوئی۔
باغچی نے کہا 'انہوں نے افغانستان، انڈو پیسیفک خطے کے علاوہ کووڈ-19 وبا کی صورتحال کا بھی جائزہ لیا۔
اقوام متحدہ میں تعاون اور باہمی دلچسپی کے دیگر علاقائی اور کثیر الجہتی امور پر بھی تبادلہ خیال کیا گیا۔
ملاقات کے دوران سیکریٹری خارجہ نے ہیلتھ کیئر، دفاع اور سلامتی، تجارت اور سرمایہ کاری، سائنس اور ٹیکنالوجی، موسمیاتی تبدیلی اور صاف توانائی سمیت دیگر شعبوں میں بھارت امریکہ اسٹریٹجک شراکت داری کو آگے بڑھانے پر اہم بات چیت کی۔
