اقوام متحدہ کی سلامتی کونسل کی صدارت خارجہ سکریٹری کریں گے

خارجہ سکریٹری مغربی ایشیا سے متعلق اقوام متحدہ کی سلامتی کونسل کے اجلاس کی صدارت کریں گے۔

خارجہ سکریٹری ہرش وردھن شرنگلا اقوام متحدہ کی سلامتی کونسل میں بھارت کی صدارت کے اختتامی سیشن میں مغربی ایشیا کی صورتحال پر ایک اجلاس کی صدارت کریں گے۔ بھارت اگست کے مہینے میں اقوام متحدہ کی سلامتی کونسل کا صدر رہا ہے اور اس دوران مختلف امور پر میٹنگیں ہوئی ہیں۔ مسئلہ فلسطین کے ساتھ ساتھ مغربی ایشیا کی صورت حال پر اختتامی اجلاس میں بڑے پیمانے پر بات چیت ہونے کا امکان ہے۔

اقوام متحدہ میں بھارت کے مستقل نمائندے ٹی این ترمورتی نے اتوار کو نیویارک میں خارجہ سکریٹری کا خیرمقدم کیا۔

نیویارک میں مختلف تقریبات میں شرکت کے بعد خارجہ سکریٹری دو طرفہ مذاکرات کے لیے واشنگٹن جائیں گے۔

یو این آئی