مغربی بنگال کے سلی گوڑی ضلع میں واقع شمالی بنگال میڈیکل کالج اینڈ ہسپتال کی آئی سی یو کوویڈ یونٹ ون میں بھیانک آگ لگ گئی۔
اس واقعے کے بعد پورے علاقے میں افراتفری پھیل گئی جس کے فوری بعد فائر بریگیڈ کے 3 انجن جائے وقوع پر پہنچ گئے اور کئی گھنٹوں کی مشقت کے بعد آگ پر قابو پالیا گیا۔
ایک اہلکار نے بتایا کہ کووڈ آئی سی میں آگ لگی تھی۔ بروقت اطلاع ملنے کی وجہ سے آگ پر جلد ہی قابو پالیا گیا۔ کووڈ یونٹ میں 7 مریض زیر علاج تھے، انہیں صحیح سلامت باہر نکال لیا گیا۔ دمکل اہلکار کے مطابق ابتدائی تفتیش کے دوران پتہ چلا ہے کہ شارٹ سرکٹ کی وجہ سے یہ حادثہ پیش آیا۔
واضح رہے کہ مغربی بنگال میں کورونا وائرس کے مریضوں کی کل تعداد ساڑھے گیارہ لاکھ کے قریب پہنچ چکی ہے۔ اس بیماری سے اب تک بارہ ہزار 500 سے زائد اموات ہوچکی ہیں۔ وہیں اس وبا سے صحتیاب لوگوں کی تعداد میں بھی مسلسل اضافہ ہوتا جارہا ہے۔
