طیارہ بردار جہاز آئی این ایس وکرمادتیہ میں آگ لگنے کا معمولی واقعہ

ہفتہ کے روز بھارتی بحریہ کے طیارہ بردار بحری جہاز آئی این ایس وکرمادتیہ میں آگ بھڑک اٹھنے کا معمولی واقعہ پیش آیا۔

تفصیلات کے مطابق بھارتی بحریہ کے طیارہ بردار بحری جہاز آئی این ایس وکرمادتیہ کے ڈیوٹی عملے نے جہاز کے اس حصے سے دھواں نکلتا دیکھا جس میں ملاحوں کے لئے رہائش دی گئی تھی۔ آگ کی نوعیت کو دیکھتے ہوئے ڈیوٹی پر موجود جہاز کے اہلکاروں نے آگ کو بجھانے کے لئے فوری طور پر اقدامات کیے اور جلد ہی آگ پر قابو پالیا، اس واقعے میں کسی کے ہلاک ہونے کی کوئی اطلاع نہیں ہے۔

ایک عہدیدار نے بتایا کہ، "جہاز میں موجود تمام اہلکاروں کی حاضری لی گئی ہے اور تمام کی موجودگی کے بعد اعلان کیا گیا ہے کہ تمام عملہ حفاظت سے ہے، اس واقعہ میں کسی بڑے نقصان کی اطلاع نہیں ہے۔ واقعے کی تحقیقات کا حکم دیا جارہا ہے۔ ایجنسیوں کے مطابق وہ بندرگاہ میں پیش آنے والے واقعہ کی مزید تفصیلات کے منتظر ہیں۔