تھانے:پلاسٹک فیکٹری میں آتشزدگی،کوئی نقصان نہیں

مہاراشٹر کے تھانے ضلع میں پلاسٹک کا سامان بنانے والی فیکٹری میں آگ لگنے کی اطلاع ہے۔ یہ فیکٹری مرباد ایم آئی ڈی سی کے علاقے میں واقع ہے۔ فی الحال کسی جانی نقصان کی کوئی خبر نہیں ہے

ریاست مہاراشٹر کے ضلع تھانے کے مرباد ایم آئی ڈی سی علاقے میں اتوار کی رات پلاسٹک کے سامان کی فیکٹری میں آگ لگ گئی۔

تھانے میونسپل کارپوریشن کے علاقائی ڈیزاسٹر مینجمنٹ سیل کے سربراہ سنتوش کدم نے بتایا کہ آگ رات 9 بجے کے قریب لگی جس میں کوئی جانی نقصان نہیں ہوا۔

انہوں نے بتایا کہ تین فائر ٹینڈرز آگ بجھانے میں مصروف ہیں، فیکٹری میں پلاسٹک کی کرسیاں اور دیگر اشیاء بنائی گئی تھیں۔