ریاست اترپردیش کے دارالحکومت لکھنو میں ٹی بی الومنیشن ٹاسک فورس کے چیئرمین ڈاکٹر سوریہ کانت نے ای ٹی وی بھارت سے بات کرتے ہوئے کہا کہ مرکزی و ریاستی حکومت کا ہدف ہے کہ پورے ملک سے 2025 تک ٹی بی مرض کا خاتمہ ہو اور اس کے تحت متعدد مہم چلائے جا رہے ہے، جس میں سے ایک مہم یہ ہے کہ ٹی بی مریضوں کی نشاندہی کرکے ان کا علاج کرائے جائے۔
ٹی بی الومنیشن ٹاسک فورس کے چئیرمین ڈاکٹر سوریہ کانت انہوں نے بتایا کہ اس کے لیے جو بھی ٹی بی مریض کو لاتا ہے یا جس کو ٹی بی مرض ہونے کا خدشہ ہے اور اس بارے میں کوئی بھی شخص اطلاع دیتا ہے تو ٹی بی مرض کے تشخیص ہونے کے بعد اطلاع دینے والے کو پانچ سو روپے کی رقم دی جاتی ہے اگر کوئی پرائیویٹ ڈاکٹر لاتا ہے تو ڈاکٹر کو ایک ہزار روپے کی رقم دی جاتی ہے اور ٹی بی مریض کو ہر ماہ پانچ سو روپے کھانے پینے کے لیے دیئے جاتے ہیں۔
مزید پڑھیں:۔بارہ بنکی : ٹی بی مرض کے خلاف مہم 2 جنوری سے
انہوں نے بتایا کہ اس اسکیم سے بڑے پیمانے پر ٹی بی مریضوں نے ہسپتال کا رخ کیا ہے اور عوام بھی اس میں پوری طریقے سے مدد کررہی ہے اور امید ہے کہ 2025 تک ٹی بی مرض کا خاتمہ ممکن ہوپائے گا۔ انہوں نے کہا کہ جو بھی اس قسم کے مریض لاتا ہے تو اس کو متعین رقم کے انعام دیئے جائیں گے۔
