ہریانہ میں کسانوں پر واٹر کینن کا استعمال کیا

زرعی قوانین کے خلاف احتجاج کر رہے کسانوں نے آج ہریانہ کے نائب وزیر اعلی دشینت چوٹالہ کے پروگرام کی مخالفت کی۔ اس دوران پولیس نے کسانوں پر واٹر کینن کا استعمال کیا۔

جمعہ کو کسانوں نے ہریانہ کے نائب وزیر اعلیٰ دشینت چوٹالہ کے پروگرام کے خلاف احتجاج کیا۔ اگرچہ دشینت چوٹالہ کا پروگرام دوپہر ایک بجے کے بعد منعقد ہونا تھا لیکن کسان صبح سے ہی پنڈال میں پہنچ کر پراحتجاج کرہے تھے۔اس دوران کسانوں کی حفاظت میں تعینات پولیس اہلکاروں کے ساتھ جھڑپ ہوئی-

بتایاجارہاہے کہ پولیس اور کسانوں کے درمیان ہاتھا پائی ہوئی ہے۔ اس کی وجہ سے پولیس نے کسانوں پر (واٹر کنن) پانی کی توپ کا استعمال کیا۔ کسان کالے جھنڈوں کے ساتھ نائب وزیر اعلی دشینت چوٹالہ کے پروگرام کے خلاف احتجاج کرنے پہنچے تھے۔ جب پولیس فورس نے کسانوں کو روکنے کی کوشش کی تو کسان مشتعل ہو گئے۔ بتایا جا رہا ہے کہ 150 سے زائد کسان پنڈال سے تھوڑے فاصلے پر موجود ہیں۔

نائب وزیر اعلی دشینت چوٹالا تقریباً ڈیڑھ بجے جھجر پہنچیں گے۔ فی الحال حالات کشیدہ ہیں۔ کسانوں کثیر تعداد میں پنڈال سے کچھ فاصلے پر کھڑی ہے۔