اسمبلی انتخابات میں ایس پی مرادآباد کی تمام سیٹوں پر کامیاب ہوگی: ڈی پی یادو

ریاست اترپردیش کے مرادآباد میں سماج وادی پارٹی کے نو منتخب ضلع صدر ڈی پی یادو نے ای ٹی بھارت سے بات کرتے ہوئے کہا کہ ضلع میں چھ اسمبلی سیٹیں ہیں اور سال 2022 میں ہم ضلع کی تمام سیٹوں پر کامیابی حاصل کریں گے۔

نو منتخب ضلعی صدر ڈی پی یادو نے ای ٹی بھارت سے بات کرتے ہوئے کہا کہ ہماری اولین ترجیح زیادہ سے زیادہ نوجوانوں کو پارٹی سے جوڑنا ہے اور ضلع کی تمام اسمبلی سیٹوں پر کامیابی حاصل کرنا ہے۔

انہوں نے مزید کہا کہ بی جے پی حکومت سے لوگ بہت پریشان ہیں۔ سڑکیں خستہ حالی کا شکار ہیں۔ کسان پریشان ہیں۔ تاجر مالی تنگی کا شکار ہیں۔

ڈی پی یادو نے کہا کہ اگر ہماری سرکار آتی ہے تو ہم لوگوں کو مفت لائٹ، بچوں کو اچھی تعلیم اور نوجوانوں کو روزگار دیں گے۔ ہماری حکومت نے کام کیا ہے اور کام کریں گے۔