مرکز کے زیر انتظام جموں و کشمیر کے کولگام کے ڈی ایچ پورہ علاقے میں سکیورٹی فورسیز اور عسکریت پسندوں کے درمیان انکاؤنٹر جاری ہے۔Encounter in Kulgam پولیس کے ایک ترجمان نے بتایا کہ پولیس، فوج اور سی آر پی ایف کی مشترکہ ٹیم نے اتوار کے روز کولگام کے دمحال ہانجی پورہ گاؤں کو محاصرے میں لے کر عسکریت پسند مخالف آپریشن شروع کیا ہے۔
اطلاعات کے مطابق پولیس اور فوج کی مشترکہ ٹیم نے گجر پورہ میں محاصرے اور تلاشی کی کارروائی شروع کی۔ جیسے ہی فورسز کی مشترکہ ٹیم مشتبہ مقام پر پہنچی، عسکریت پسندوں نے فورسز پر گولی چلانی شروع کر دی جس کے بعد پولیس نے جوابی کارروئی شروع کردی۔ اس کارروائی میں دو عسکریت پسندوں کے ہلاک ہونے کی خبر ہے۔ عسکریت پسندوں کی شناخت حارث شریف ساکن سری نگر اور کولگام کے ذاکر پیڈر کے طور پر ہوئی ہے۔ Encounter in Kulgam
ایک سینیئر پولیس افسر نے کو عسکریت پسندوں اور سکیورٹی فورسز کے درمیان فائرنگ کے تبادلے کی تصدیق کرتے ہوئے کہا کہ پولیس، فوج اور سی آر پی ایف کی مشترکہ ٹیم پر عسکریت پسندوں نے فائرنگ شروع کر دی، جس کے بعد جوابی کارروائی میں گولیوں کا تبادلہ شروع ہو چکا ہے۔ فی الحال آپریشن جاری ہے۔ Kulgam Encounter Update