Encounter Started in Awantipora: اونتی پورہ میں انکاؤنٹر، ایک عسکریت پسند ہلاک

چرسو اونتی پورہ میں سیکورٹی فورسز اور عسکریت پسندوں کے درمیان تصادم شروع ہوگیا ہے، جس میں ایک عسکریت پسند کے ہلاک ہونے کی اطلاع ہے۔ اطلاعات کے مطابق یہ جھڑپ اس وقت شروع ہوئی جب مصدقہ اطلاعات کے بعد علاقے میں سرچ آپریشن شروع کیا گیا۔

پولیس نے ٹویٹ کرکے اس جھڑپ کی تصدیق کی ہے۔ اس کے علاوہ پولیس نے ٹویٹ میں ایک عسکریت پسند کے ہلاک ہونے کی بھی تصدیق کی ہے۔

ای ٹی وی بھارت کو ملی تفصیلات کے مطابق پولیس اور فوج کی مشترکہ ٹیم نے چرسو نامی گاؤں میں ایک محلے کو محاصرے میں لیا اور تلاشی کی کارروائی شروع کی۔

جیسے ہی فورسز کی مشترکہ ٹیم مشتبہ مقام کی طرف پہنچی تو چھپے ہوئے عسکریت پسندوں نے فورسز پر فائرنگ کردی جس سے فائرنگ کا تبادلہ شروع ہوگیا۔ جسکے بعد باضابطہ ایک جھڑپ شروع ہوئی جس میں آخری اطلاعات تک ایک عسکریت پسند کے مارے جانے کی اطلاع ہے۔ اسکی تنظیمی وابستگی یا شناخت اب تک ظاہر نہیں کی گئی ہے۔

اونتی پورہ میں انکاؤنٹر شروع، ایک عسکریت پسند ہلاک

اس سلسلہ میں مزید تفصیلات کا انتظار ہے۔