Ekhokhar.com Launched رشتے تلاش کرنے کے لئے ای کھوکھر ڈاٹ کام ویب سائٹ متعارف

ضلع احمدآباد میں محمد امین کھوکھر نے ایک کانفرنس منعقد کرکے کھوکھر ڈاٹ کام نامی ایک ویب سائٹ کو متعارف کرایا اور عوام کو شادی کے لئے رشتہ تلاش کرنے کے لئے اس پلیٹ فارم پر آنے کی اپیل کی۔ Muhammad Amin Khokhar launched ekhokhar.com

احمدآباد: جدید دور میں رشتے تلاش کرنا اور کامیاب ازدواجی زندگی گزارنا ایک مشکل عمل ہوگیا ہے، اس مشکل کو آسان کرنے کے لئے احمدآباد کے محمد امین کھوکھر نے ای کھوکھر ڈاٹ کام کی شروعات کی ہے، جو تمام مسلک کے لوگوں کو ایک پلیٹ فارم پر رشتہ مہیا کرانے کا کام کرے گی۔ ای کھوکھر ڈاٹ کام کے چیئرمین محمد امین نے احمدآباد کے چانکیہ ہال جیوراج پارک میں ایک کانفرنس کا اہتمام کر کے مذکورہ ویب سائٹ کو متعارف کرایا۔ اس موقع پر ای کھوکھر ڈاٹ کام کے چیئرمین محمد امین نے کہا کہ ای کھوکر ڈاٹ کوم کا پروجیکٹ کُل دو سو ممالک پر منحصر رہے اور ہم اس پروجیکٹ کے ذریعے تمام مذاہب کے لوگوں کو جوڑ کر کام کریں گے اور یہ بھارت کی سب سے بڑی ویب پورٹل بن رہی ہے۔ ہم لوگ چھ لاکھ شہروں کو اس میں شامل کر رہے ہیں۔ انہوں نے کہا کہ آج کے دور میں شادیوں کے لیے بہت سے مسائل پیدا ہو رہے ہیں اور رشتے ڈھونڈنے میں بہت ساری مشکلات کا سامنا کرنا پڑ رہا ہے، اسی مشکلات کو دور کرنے کے لیے ای کھوکھر ڈاٹ کام پر آن لائن پلیٹ فارم کے ذریعے باآسانی رشتہ فراہم کریں گے۔

وہیں آل انڈیا علما بورڈ کے صدر اور شاہی امام مولانا نیاز احمد قاسمی نے کہا کہ ملک اور دنیا کے حالات بدل رہے ہیں۔ مذہبی منافرت کا دور دورہ ہے۔ اس لیے ہمیں چاہیے کہ ہم مذہبی منافرت سے اوپر اٹھ کر انسانیت کو فروغ دینے کی کوشش کریں۔ ایک دوسرے جوڑنے کے لیے رشتہ فراہم کرنا بہت ضروری ہے اور ان رشتوں کو جوڑنے کا کام ای کھوکھر ڈاٹ کام سے کیا جائے گا۔ اس موقع پر آل انڈیا علماء بورڈ کے جنرل سیکریٹری علامہ بنی حسنی نے کہا کہ میں ای کھوکھر ڈاٹ کام کے چیئرمین محمد امین صاحب کو مبارکباد پیش کرتا ہوں اور اس طرح کی مزید کانفرنس مختلف شہروں میں منعقد کرنے کی دعوت دیتا ہوں۔ ساتھ ہی لڑکے اور لڑکیوں کے لئے مناسب رشتے کی تلاش کے متمنی لوگوں سے اپیل کرتا ہوں کہ ای کھوکھر ڈاٹ کام اس کا بہترین حل ہے۔ اس کے ذریعے آپ کی یہ ضرورت پوری ہو سکتی ہے اور ایک اچھا رشتہ مل سکتا ہے۔

آل انڈیا سماجی اینڈ رفاہی کاونسل کے چیئرمین مولانا محمد شمیم اختر ندوی نے کہا کہ محمد امین کھوکر نے ایک بڑا اچھا قدم اٹھایا ہے۔ آج کے دور میں لوگ اتنا زیادہ مصروف ہو گئے ہیں کہ انہیں ایک دوسرے سے ملنے تک کی فرصت نہیں ہے اور انٹرنیٹ کے ذریعہ سے دنیا سمٹ گئی ہے۔ ایسے میں ضرورت تھی کہ ایک ایسی ویب سائٹ لانچ کی جائے جس میں ساری دنیا کے لوگوں کو اپنے لیے رشتے تلاش کرنا آسان ہوجائے اور امین کھوکھر نے اس کام کو اپنی ویب سائٹ کے ذریعے شروع کیا ہے، ہم اس کے لیے انہیں مبارکباد پیش کرتے ہیں۔