بانڈی پورہ میں نماز عیدالفطر کے موقع پر کوئی بڑا اجتماع نہیں

بانڈی پورہ میں جمعرات کو کورونا وائرس کے بڑھتے خطرات اور اس کے پھیلائو کو روکنے کے لئے جاری 'کورونا کرفیو' کے پیش نظر عید الفطر انتہائی سادگی سے منائی گئی۔

سخت 'کورونا کرفیو' اور حکومتی ایڈوائزری کے پیش نظر بانڈی پورہ میں عید الفطر کے موقع پر کہیں بھی نماز عید کا بڑا اجتماع منعقد نہیں ہوا اور لوگ اپنے گھروں یا محلوں تک ہی محدود رہے۔

تاہم بعض علاقوں میں لوگوں نے نماز فجر کے بعد مقامی مساجد یا پارکوں میں چھوٹے چھوٹے اجتماعات میں نماز عید ادا کی۔ اس دوران کورونا وائرس کی وبا کے پیش نظر سماجی دوری کا خیال رکھا گیا ۔آج کی اس مختصر تقریب کے دوران کورونا وائرس کے خاتمے کے لیے خصوصی دعاؤں کا بھی اہتمام کیا گیا۔