Raid on Businessman Prem Prakash's House ای ڈی نے پریم پرکاش کے گھر سے دو اے کے 47 رائیفلز برآمد کی

منی لانڈرنگ اور غیر قانونی کانکنی کے معاملے میں بدھ کو ای ڈی کی ٹیم نے رانچی میں 12 مقامات پر چھاپے مارے، جن میں مشہور تاجر پریم پرکاش عرف پی پی کا دفتر اور گھر بھی شامل تھا۔ ای ڈی کو پریم پرکاش کے گھر سے دو اے کے 47 رائیفلز بھی ملی ہیں۔ Raid on Businessman Prem Prakash's House

رانچی: ریاست جھارکھنڈ میں منی لانڈرنگ اور غیر قانونی کان کنی سے متعلق معاملے میں ای ڈی کی کارروائی جاری ہے۔ بدھ کی صبح ای ڈی نے رانچی کے 12 مقامات پر چھاپے مارے، جن میں رانچی میں پریم پرکاش عرف پی پی کے دفتر اور جھارکھنڈ میں کل 18 مقامات پر چھاپے مارے گئے یہاں شیلودیا بھون میں واقع پریم پرکاش کی رہائش گاہ سے دو اے کے 47 رائیفلز ملی ہیں۔ پریم پرکاش یہاں کرائے پر رہتے تھے، ساتھ ہی ای ڈی نے رانچی کے اشوک نگر میں چارٹرڈ اکاؤنٹنٹ جے جے پوریا کے مقام پر بھی چھاپہ مارا ہے۔ Raid on Businessman Prem Prakash's House

ای ڈی صبح رانچی کے ارگوڑہ چوک کے قریب وسندھرا اپارٹمنٹ کی آٹھویں منزل پر پہنچی۔ یہاں پر پریم پرکاش کے دفتر پر چھاپہ مارا۔ اس کے علاوہ اولڈ اے جی کالونی میں واقع ہولی اینجل اسکول بھی ای ڈی کے نشانہ پر ہے۔ چھاپے کے دوران سی آر پی ایف کے جوانوں کو سیکورٹی کے لیے تعینات کیا گیا ہے۔

موصولہ اطلاعات کے مطابق رانچی کے ہرمو علاقے میں ارگوڑہ چوک کے قریب مشہور تاجر پریم پرکاش کا دفتر ہے، جہاں ای ڈی کی ٹیم چھاپہ مار رہی ہے، لیکن یہ دفتر کافی دنوں سے بند تھا۔ ای ڈی ذرائع سے ملی اطلاع کے مطابق غیر قانونی کان کنی سے وابستہ لوگوں پر چھاپے مارے جا رہے ہیں۔ مانا جا رہا ہے کہ وزیر اعلی کے رکن اسمبلی کے نمائندے پنکج مشرا سے پوچھ گچھ میں ملی اطلاع کی بنیاد پر یہ چھاپے مارا جا رہے ہیں۔