مغربی بنگال میں اسکول سروس کمیشن کے ذریعہ اسکولوں میں اساتذہ کی تقرری میں بدعنوانی کی جانچ جیسے جیسے آگے بڑھ رہی ہے، ویسے ویسے ممتابنرجی کی حکومت کی پریشانیوں میں مزید اضافہ ہوتا جا رہا ہے۔ ریاست کی اپوزیشن جماعت بی جے پی اسکولوں میں تقرری میں بدعنوانی کے معاملے کو لے کر ریاستی حکومت کو گھیرنے میں کوئی کسر نہیں چھوڑ رہی ہے۔ اسی درمیان حزب اختلاف کے رہنما شھبندو ادھیکاری نے کہا کہ بھارت کی آزادی کے بعد ایس ایس سی کی تقرری میں بدعنوانی کا یہ سب سے بڑا معاملہ ہے، مغربی بنگال نے اس معاملے میں ہریانہ کو بھی پیچھے چھوڑ دیا ے۔ssc scam one of the biggest scam since independent
SSC Scam Case : ایس ایس سی تقرری بدعنوانی معاملہ آزادی کے بعد سے سب سے بڑا کیس - بی جے پی کے رکن اسمبلی اور شھبندو ادھیکاری
حزب اختلاف کے رہنما اور بی جے پی کے رکن اسمبلی اور شھبندو ادھیکاری نے بھارت کی آزادی کے بعد ایس ایس سی کی تقرری میں بدعنوانی کا سب سے بڑا معاملہ قرار دیتے ہوئے ممتابنرجی کی حکومت پر بے روزگار نوجوانوں کے مستقبل کے ساتھ کھلواڑ کرنے کا الزام عائد کیا۔ssc scam one of the biggest scam since independent
![SSC Scam Case : ایس ایس سی تقرری بدعنوانی معاملہ آزادی کے بعد سے سب سے بڑا کیس بھارت کی آزادی کے بعد ایس ایس سی کی تقرری میں بدعنوانی کا سب سے بڑا معاملہ](https://etvbharatimages.akamaized.net/etvbharat/prod-images/768-512-15327663-1038-15327663-1652949404940.jpg)
نندی گرام سے بی جے پی کے رکن اسمبلی شھبندو ادھیکاری نے ممتابنرجی کی حکومت پر بے روزگار نوجوانوں کے مستقبل کے ساتھ کھلواڑ کرنے کا الزام عائد کرتے ہوئے کہا کہ سی بی آئی کو پارتھو چٹرجی کے ساتھ ساتھ ممتابنرجی کے بھائی کے خلاف بھی نوٹس جاری کرنا چاہئے۔ انہوں نے کہا کہ اس وقت کے وزیر تعلیم پارتھو چٹرجی اور وزیراعلیٰ ممتا بنرجی کے بھائی کے ساتھ بکاش بھون میں بیٹھ کر ہی ایس ایس سی کے ذریعہ اساتذہ کی تقرری کو لے کر کمیٹی قائم کی تھی۔ بدعنوانی کا اصل جڑ یہ کمیٹی ہے.
حزب اختلاف کے رہنما شھبندو ادھیکاری کا کہنا ہے کہ ممتابنرجی کی حکومت نے مغربی بنگال میں رہنے والے تمام مذہب کے لاکھوں نوجوانوں کے مستقبل کے ساتھ کھلواڑ کیا ہے۔ سی بی آئی کی جانچ فیصلہ کن موڑ پر ہے۔ اس معاملے میں متعدد وزراء اور رہنماؤں کے نام سامنے آنے والے ہیں۔