ڈیورنڈ کپ 2021 کا شیڈول جاری

تاریخی فٹبال ٹورنامنٹ ڈیورنڈ کپ 2021 کے شیڈول کا اعلان کر دیا گیا ہے۔ پانچ ستمبر کو محمڈن اسپورٹنگ اور انڈین ایئر فورس کی ٹیم کے درمیان ٹورنامنٹ کا پہلا میچ کھیلا جائے گا۔

ڈیورنڈ کپ 2021 کے تمام میچز مغربی بنگال کے دارالحکومت کولکاتا کے سالٹ لیک اسٹیڈیم، موہن بگان گراؤنڈ اور کلیانی میونسپل اسٹیڈیم میں کھیلے جائیں گے.

ڈورنڈ کپ 2021 کے شیڈول

اس ٹورنامنٹ میں کل 16 ٹیمیں شرکت کریں گی۔ تمام ٹیموں کو چار الگ الگ گروپوں میں منقسم کیا گیا ہے۔

ڈورنڈ کپ 2021 کے شیڈول

گروپ اے (A) میں محمڈن اسپورٹنگ، انڈین ایئر فورس، سی آر پی ایف اور ایف سی بنگلورو یونائٹیڈ۔

گروپ بی (B) میں جمشیدپور ایف سی، سدیوا ایف سی، ایف سی گوا اور انڈین آرمی گرین۔

گروپ سی (C) میں دہلی ایف سی، بنگلورو ایف سی، انڈین نیوی ایف سی اور کیرالہ بلاسٹر ایف سی۔

گروپ ڈی (D) میں گوکھلم کیرالہ ایف سی، حیدرآباد ایف سی، آسام رائفلز ایف سی اور آرمی ریڈ۔

ڈورنڈ کپ 2021 کے شیڈول

دوسری طرف انڈین فٹبال ایسوسی ایشن (مغربی بنگال) کے مطابق ڈیورنڈ کپ 2021 میں (محمڈن اسپورٹنگ کے علاوہ آئی لیگ کی دوسری ٹیمیں گوکھلم کیرالہ ایف سی، سدیوایف سی اور بنگلورو یونائٹیڈ ایف سی کی ٹیمیں اس ٹورنامنٹ کا حصہ ہوں گی.

اس کے علاوہ آئی ایس ایل کی فرنچائزی ٹیموں بنگلورو ایف سی، کیرالہ بلاسٹرس، حیدرآباد ایف سی کے علاوہ انڈین آرمی ریڈ اینڈ گولڈ، بھارتی بحریہ اور سی آر پی ایف کی ٹیمیں شامل ہوں گی.

بھارت میں برطانوی حکومت کے دور میں پہلی مرتبہ 1888 میں اس وقت کے وائسری ماسٹر ڈورنڈ نے ہماچل پردیش میں اس ٹورنامنٹ کا آغاز کیا تھا. محمڈن اسپورٹنگ کی 1940 میں پہلی مرتبہ برطانوی ٹیموں کو شکست دے کر خطاب جیتا تھا.

ملک کی آزادی سے پہلے 1888 سے لے کر 2019 تک اس مقابلے کا انعقاد کا سلسلہ بدستور جاری رہا لیکن 2020 میں کورونا وائرس کے سبب تاریخی فٹبال ٹورنامنٹ کو منسوخ کیا گیا تھا.

ڈورنڈ کپ فٹبال ٹورنامنٹ 2021 کے ذریعہ کولکاتا کے میدانوں میں ایک بار پھر کھیل کی سرگرمیاں بحال کرنے کی کوشش تیز ہو گئی ہے. اس کی تیاری جاری ہے.