'اگر شاہ رخ بی جے پی میں شامل ہوجائے تو منشیات چینی کا پاؤڈر بن جائے گا'

کروز جہاز پر منشیات ضبط کرنے کے سلسلے میں اداکار شاہ رخ خان کے بیٹے آرین خان کی گرفتاری پر سوالات اٹھ رہے ہیں۔ اس دوران مہاراشٹر کے وزیر چھگن بُھجبل نے بی جے پی پر طنز کیا۔ انہوں نے کہا کہ اگر شاہ رخ خان بی جے پی میں شامل ہو جائیں تو منشیات بن جائےگا شوگر پاؤڈر ۔

مہاراشٹر کے وزیر چھگن بُھجبل نے ہفتے کے روز کروز جہاز پر منشیات کی ضبطی پر بی جے پی پر طنز کرتے ہوئے کہا کہ اگر اداکار شاہ رخ خان بھگوا پارٹی میں شامل ہوتے ہیں تو 'منشیات شوگر پاؤڈر' بن جائے گا۔

بُھجبل نے یہ بھی کہا کہ مہاراشٹر حکومت نے او بی سی کوٹہ پر ایک آرڈیننس پاس کیا تھا، لیکن بی جے پی کے ایک کارکن نے اسے عدالت میں چیلنج کیا۔

انہوں نے پوچھا کہ کیا بی جے پی دیگر پسماندہ طبقات کو ریزرویشن دینے کے خلاف ہے؟

واضح رہے کہ نارکوٹکس کنٹرول بیورو (این سی بی) نے 3 اکتوبر کو آرین خان (23) اور چند دیگر کو ممبئی کے ساحل سے ایک کروز جہاز سے منشیات ضبط کرنے کے سلسلے میں گرفتار کیا۔ آرین خان تب سے جیل میں ہیں۔