بارہ بنکی: ضلع پنچایت کے اراکین نے بدعنوانی کے خلاف احتجاج کیا

بدعنوانی کے الزامات کے بعد احتجاجیوں نے مطالبہ کیا ہے کہ نئے کاموں کی تجاویز پر ٹینڈر نکالیں جائیں۔ اس کے علاوہ اراکین کا الزام ہے کہ یہاں 27 ملازمین کی تقرری ہے لیکن کوئی نظر نہیں آتا ہے۔ الزام یہ بھی ہے کہ اراکین کا کوئی احترام نہیں کیا جاتا ہے، اس کے علاوہ اراکین نے بدعنوانی کے الزامات عائد کئے ہیں۔

ریاست اترپردیش کے بارہ بنکی کی ضلع پنچایت میں سنیچر کو دن بھر ہنگامہ رہا۔ ضلع پنچایت کے ایک درجن سے زیادہ اراکین پرانے ٹینڈر کو منسوخ کر کے نئے کاموں کی تجاویز کے مطابق ٹینڈر کرائے جانے اور بدعنوانی کے الزامات کو لیکر دھرنے پر بیٹھ گئے۔ کئی گھنٹوں کی مشقت کے بعد سابق ضلع پنچایت صدر کے شوہر سریندر ورما کی مصالحت پر ضلع پنچایت اراکین نے اپنا احتجاج ختم کیا۔

واضح رہے کہ چند ماہ قبل ہی نئی ضلع پنچایت منتخب ہوئی ہیں۔ ضلع پنچایت اراکین کا الزام ہے کہ نو منتخب صدر نے نئے کاموں کی تجاویز پر ٹینڈر نکالنے کے بجائے پرانے کاموں کی تجویز پر ٹینڈر نکال دیا ہے. ان کا یہ بھی کہنا ہے کہ جو ٹینڈر نکالے گئے ہیں، وہ پرانے اراکین کی تجاویز پر نہیں بلکہ رکن اسمبلی اور رکن پارلیمان کی تجاویز پر نکالے گئے ہیں۔

ان کا مطالبہ ہے کہ نئے کاموں کی تجاویز پر ٹینڈر نکالیں جائیں۔ اس کے علاوہ اراکین کا الزام ہے کہ یہاں 27 ملازم کی تقرری ہے لیکن کوئی نظر نہیں آتا ہے۔ الزام یہ بھی ہے کہ اراکین کا کوئی احترام نہیں کیا جاتا ہے، اس کے علاوہ اراکین نے بدعنوانی کے الزامات عائد کئے ہیں۔

آپ کو بتادیں کہ بارہ بنکی ضلع پنچایت میں پہلی بار بی جے پی کا صدر منتخب ہوا ہے۔ اراکین نے جو الزام عائد کئے ہیں اس سے بی جے پی کی بدعنوانی کے خلاف زیرو ٹالرینس کی پالیسی کی پول ضرور کھل رہی ہے۔