سرینگر پریس کالونی میں دوکانداروں کا احتجاج

مرکزی زیر انتظام جموں و کشمیر کے دار الحکومت سرینگر کے مضافاتی علاقہ وُیین سے تعلق رکھنے والے کئی دوکاندار اپنے بچوں کے ہمراہ سرینگر پریس کالونی میں جمع ہوئے اور احتجاج کیا۔

احتجاجیوں نے اپنے ہاتھوں میں پلے کارڈس اٹھائے ہوئے تھے جن پر ہمارے ساتھ انصاف کرو کے نعرے درج تھے۔

دوکانداروں کا کہنا ہے کہ وہ 1996 سے ویین آرمی کیمپ میں بطور دوکانداری کرتے ہوئے اپنا روزگار کمارہے ہیں مگر دفعہ 370 ہٹانے کے بعد انہیں آرمی کی طرف سے دکانوں کو چھوڈنے کے لیے کہا گیا ہے۔

دوکانداروں نے کہا کہ اس فیصلہ سے وہ بے روزگار ہوگئے ہیں۔ انہوں نے جی او سی سے اپیل کی ہے کہ انہیں دوبارہ دوکان چلانے کی اجازت دی جائے۔