Shoaib Pervez Visited the Bus Stand: ناجائز قبضہ کے خلاف نائب تحصیلدار کشتواڑ کا انتباہ

کشتواڑ کے بس اسٹینڈ پر دن بدن لوگوں کے لئے چلنا پھرنا دشوار ہوتا جا رہا ہے۔ اسی پریشانی کو لیکر مقامی لوگوں نے ضلع انتظامیہ میں شکایت درج کرائی ہے۔ شکایت درج ہونے کے بعد نائب تحصیلدار کشتواڑ شعیب پرویز، ایس ایچ او کشتواڑ عابد بخاری، ٹی ایس او کشتواڑ سوریش کمار اور میونسپل کمیٹی نے مشترکہ طور پر دورہ کیا۔ Illegal Occupation of Kishtwar Bus Stand

جموں و کشمیر کے ضلع کشتواڑ کے بس اسٹینڈ پر مقامی سبزی فروشوں، میواہ فروشوں اور ہوٹل والوں کی بدانتظامی کے سبب مقامی لوگوں کو چلنے پھرنے میں دشواری کا سامنا کرنا پڑتا ہے۔ مقامی لوگوں کے مطابق سبزی فروشوں نے بس اسٹینڈ پر ناجائز قبضہ کرکے ان جگہوں کو عوام کے چلنے بھرنے کے لیے بند کر دیا ہے۔ Illegal Occupation of Kishtwar Bus Stand

کشتواڑ کے بس اسٹینڈ پر دن بدن لوگوں کے لئے چلنا پھرنا دشوار ہوتا جا رہا ہے۔ اسی پریشانی کو لیکر مقامی لوگوں نے ضلع انتظامیہ کو شکایت درج کرائی ہے۔ شکایت درج ہونے کے بعد نائب تحصیلدار کشتواڑ شعیب پرویز، ایس ایچ او کشتواڑ عابد بخاری، ٹی ایس او کشتواڑ سوریش کمار اور میونسپل کمیٹی نے مشترکہ طور پر دورہ کیا۔

اس موقع پر نائب تحصیلدار کشتواڑ نے سبزی فروشوں اور ہوٹل مالکان کو سخت ہدایت جاری کرتے ہوئے کہا کہ سرکاری زمین پر ناجایز قبضہ بلکل برداشت نہیں کیا جائے گا اور موقع پر ہی ناجایز قبضے کو آزاد کرایا گیا۔

نائب تحصیلدار کشتواڑ نے اس حوالے سے میڈیا سے بات کرتے ہوئے کہا کہ اس ضمن میں انہوں نے بس سٹینڈ کشتواڑ میں دفعہ 144 نافذ کیا ہے۔ ڈپٹی کمشنر کشتواڑ کی ہدایت پر بس سٹینڈ کشتواڑ سے ناجایز قبضہ کو ہٹایا جا رہا ہے۔

اس موقع پر نائب تحصیلدار اور ایس ایچ او کشتواڑ نے مقامی دکانداروں اور ڈرائیورز طبقہ سے اپیل کی ہے کہ وہ قانون کی پاسداری کریں اور جو بھی قانون کی خلاف ورزی کرتے ہوئے پایا جائے گا، اس کے خلاف سخت سے سخت کاروائی کی جائے گی۔