کرناٹک: وکیلوں نے کووڈ پیکیج میں اضافے کا مطالبہ کیا

وکلاء کے لیے پانچ کروڑ روپے مختص کیے ہیں۔ صدربارکونسل یادگیر نے میڈیا سے بات کرتے ہوئے کہا کہ ریاستی حکومت نے وکلاء کے لئے کووڈ پیکج کے طور پر پانچ کروڑ روپے مختص کئے ہیں جس کا خیر مقدم کرتے ہیں۔

ریاست کرناٹک کے وزیراعلی بی ایس یدی یورپا نے کووڈ پیکیج کے طور پر جہاں مختلف شعبہ جات سے جڑے احباب کو کووڈ پیکیج کا اعلان کیا ہے۔

وہیں وکلاء کے لیے بھی پانچ کروڑ روپے مختص کیے ہیں ناڈےکر صدر بار کونسل یادگیر نے میڈیا سے بات کرتے ہوئے کہا کہ ریاستی حکومت نے وکلاء کے لئے جو کووڈ پیکج کے طور پر پانچ کروڑ روپے مختص کئے ہم بار کونسل کی جانب سے اس کا خیر مقدم کرتے ہیں۔

لیکن موجودہ حالات میں کورونا اور مسلسل لاک ڈاؤن کی وجہ سے وکلاء احباب بھی کافی پریشان حال ہے اس لئے ہم ریاستی حکومت سے یہ اپیل کرتے ہیں کہ کووڈ پیکیج میں اضافہ کرتے ہوئے بیس کروڑ روپے مختص کریں۔

انہوں نے کہا کہ ضلع میں کورونا سے پندرہ و کلا متاثر ہوئے ہیں جبکہ ایک وکیل کی کورونا کی وجہ سے موت واقع ہوئی ہے جو شاہ پور کارہنے والا ہے۔
اس موقع پر انہوں نے ریاستی حکومت کی جانب سے خصوصی کووڈ پیکج امداد کیلئے آن لائن درخواستیں داخل کرنے کی اپیل کی۔