Delhi Riots: ملزمہ گل افشاں فاطمہ کی درخواست ضمانت پر دہلی پولیس کو نوٹس

دہلی ہائی کورٹ نے دہلی تشدد معاملے میں ملزمہ گل افشاں فاطمہ کی درخواست ضمانت پر سماعت کرتے ہوئے دہلی پولیس کو نوٹس جاری کیا ہے۔ عدالت نے دہلی پولیس کو 14 جولائی تک جواب داخل کرنے کی ہدایت دی ہے۔ HC seeks response of police on plea by Delhi riots accused

نئی دہلی: دہلی تشدد معاملے میں یو اے پی اے کی ملزمہ گل افشاں فاطمہ کی درخواست ضمانت پر سماعت کرتے ہوئے دہلی ہائی کورٹ نے دہلی پولیس کو نوٹس جاری کیا ہے۔ جسٹس سدھارتھ مردول کی سربراہی والی بنچ نے 14 جولائی تک جواب داخل کرنے کی ہدایت دی ہے۔ سماعت کے دوران عدالت نے کہا کہ ہمیں گل افشاں کے خلاف الزامات کو دیکھنا ہے۔ گل افشاں کے وکیل نے عدالت کو بتایا کہ وہ دو سال سے زائد عرصے سے جیل میں ہے۔ بتادیں کہ 16 مارچ کو ککڑڈوما کورٹ نے گل افشاں فاطمہ کی درخواست ضمانت مسترد کر دی تھی۔ Delhi riots: HC notice to police on Fatima's plea

سماعت کے دوران دہلی پولیس نے کہا تھا کہ فسادات مکمل طور پر منصوبہ بند تھے۔ فسادات کے دوران کئی املاک کو نقصان پہنچا۔ ضروری خدمات میں خلل پڑا۔ پیٹرول بم، لاٹھی، پتھر وغیرہ کا استعمال کیا گیا۔ دہلی پولیس نے کہا تھا کہ دہلی میں فسادات کے دوران کم از کم 53 لوگ مارے گئے تھے۔ آپ کو بتا دیں کہ 14 مارچ کو عدالت نے اس معاملے میں ایک ملزمہ عشرت جہاں کی ضمانت منظور کی تھی۔ دہلی تشدد معاملہ میں یو اے پی اے سے متعلق کیس میں اب تک پانچ لوگوں کو ضمانت مل چکی ہے۔ عشرت جہاں کے علاوہ جن ملزمان کو ضمانت ملی ہے ان میں آصف اقبال تنہا، صفورا زرگر، دیوانگن کلیتا اور نتاشا ناروال شامل ہیں۔