محبوبہ مفتی کے خلاف ای ڈی کا سمن، دہلی ہائی کورٹ میں سماعت آج

دہلی ہائی کورٹ آج جموں و کشمیر کی سابق وزیراعلیٰ اور پی ڈی پی رہنما محبوبہ مفتی پر منی لانڈرنگ کے سلسلہ میں ای ڈی کی جانب سے جاری کردہ سمن کو روکنے کے مطالبے پر سماعت کرے گی۔

دہلی ہائی کورٹ آج جموں و کشمیر کی سابق وزیراعلیٰ اور پی ڈی پی رہنما محبوبہ مفتی کے خلاف منی لانڈرنگ کے سلسلہ میں ای ڈی کی جانب سے جاری کردہ سمن کو روکنے کے مطالبے پر سماعت کرے گی۔ چیف جسٹس ڈی این پٹیل کی سربراہی میں بنچ اس معاملے کی سماعت کرے گا۔

اس سے قبل ہائی کورٹ نے محبوبہ مفتی پر منی لانڈرنگ کے الزام میں ای ڈی کی جانب سے جاری سمن پر روک لگانے سے انکار کر دیا تھا۔ درخواست میں کہا گیا ہے کہ ای ڈی کی جانب سے جاری کردہ نوٹس میں اسے بطور ملزم یا گواہ پیش ہونے کی ہدایت کی گئی ہے۔

اس نوٹس میں اس بات کا ذکر نہیں کیا گیا ہے کہ کس معاملے میں محبوبہ کو پوچھ گچھ کے لیے بلایا گیا ہے۔

درخواست میں کہا گیا ہے کہ محبوبہ مفتی کسی معاملے میں ملزم نہیں ہیں اور نہ ہی انہوں نے کوئی جرم کیا ہے۔

درخواست میں کہا گیا ہے کہ جموں و کشمیر سے آرٹیکل 370 کے خاتمے کے بعد جب سے انہیں حراست میں لیا گیا ہے۔ انہیں اور ان کے خاندان کے افراد کو ہراساں کیا جا رہا ہے۔

درخواست میں محبوبہ نے منی لانڈرنگ ایکٹ کی دفعہ 50 کو چیلنج کیا ہے۔

ای ڈی منی لانڈرنگ ایکٹ کے سیکشن 50 کے تحت کسی کو بھی سمن جاری کرتا ہے۔ ہر شخص ای ڈی کے سمن کا جواب دینے کا پابند ہے، اگر اس نے جواب نہیں دیا تو اسے سزا دی جا سکتی ہے۔