وزیر دفاع راج ناتھ سنگھ نے آج کہا کہ ملک کی سیکورٹی ضروریات کو مدنظر رکھتے ہوئے بھارت اب بیرون ملک کے بجائے دیسی دفاعی مصنوعات پر زیادہ زور دے رہا ہے اور دنیا کے تمام ممالک کو دعوت دی ہے کہ وہ ہندوستان میں اس کی کمپنیوں کےساتھ مل کر اپنے سازو سامان بنائیں۔
ہفتہ کو یہاں فیڈریشن آف انڈین چیمبرز آف کامرس اینڈ انڈسٹری (ایف آئی سی سی آئی ) کی 94ویں سالانہ جنرل میٹنگ سے خطاب کرتے ہوئے سنگھ Defence Minister Rajnath at FICCI Annual General Meeting نے کہا کہ ملک کی سلامتی کے لیے ہمیں دفاعی شعبے میں اپنی صلاحیت اور کارکردگی کو بڑھانا ہوگا اور یہ کام اسلئے ضروری ہے کہ دشمن کسی بھی قسم کی مذموم حرکت کرنے سے پہلے ہزار بار سوچے۔
انہوں نے کہا کہ اس کے لیے ہندوستان کو دفاعی شعبے میں مینوفیکچرنگ کا ہب بنانا India Global Defence Manufacturing Hub ہوگا اور حکومت اس کے لیے کوئی کسر نہیں چھوڑ رہی ہے۔ اس سمت میں اقدام اٹھاتے ہوئے بجٹ میں مسلسل اضافہ کیا جا رہا ہے۔
انہوں نے کہا کہ’آتم نربھارت ابھیان‘ کے تحت ہم ہنودستان میں بنائے گئے دفاعی ساز و سامان کو ترجیح دے رہے ہیں اور ایسے 209 دفاعی آلات کی فہرست تیار کی گئی ہے، جنہیں ہم ایک خاص وقت کے بعد کسی بھی حالت میں درآمد نہیں کریں گے۔