کرناٹک مسلم جماعت کا 'مسلم ریزرویشن' کے عنوان پر سیمینار

کرناٹک مسلم جماعت کی جانب سے "مسلم ریزرویشن" کے عنوان پر ایک سیمینار منعقد کیا گیا، جس میں کرناٹک بیکوارڈ کمیشن کے سابق چیئرمین ڈاکٹر سی ایس دوارکاناتھ، کنڑا صحافی بی ایم حنیف نے سامعین سے ریزرویشن کے موضوع پر خطاب کیا۔

اس سیمینار میں ڈاکٹر دوارکاناتھ نے افسوس کا اظہار کیا کہ پسماندہ مسلم طبقات کو حکومت کی جانب سے ان کی پہچان کے صحیح دستاویز نہیں دیے جا رہے ہیں اور انہیں گمراہ کیا جا رہا ہے۔

اس موقع پر نامہ نگاروں سے بات کرتے ہوئے کرناٹک مسلم جماعت کے جنرل سکریٹری مولانا شافعی سعدی نے بتایا کہ مسلمانوں کو دیے گئے 4 فیصد ریزرویشن میں اضافہ کر 10 فیصد کیا جائے۔

مولانا شافعی سعدی نے کہا کہ یہ وقت کی اہم ضرورت ہے کہ مسلم نوجوان مسابقتی امتحانات میں حصہ لیں اور سرکاری محکموں میں اعلیٰ عہدوں پر فائز ہوں۔