Biparjoy Cyclonic سمندری طوفان بپرجوائے 15 جون کو گجرات کے ساحلوں سے ٹکرائے گا، محکمہ موسمیات

گجرات میں سمندری طوفان بپرجوائے کا خطرہ بڑھ گیا ہے، محکمہ موسمیات کے مطابق بپرجوائے 15 جون کو 150 کلومیٹر فی گھنٹہ کی رفتار سے ایک شدید گردابی طوفان میں بدلنے کا قوی امکان ہے۔

احمد آباد: مشرقی وسطی بحیرہ عرب پر آنے والا شدید سمندری طوفان بپرجوائے گزشتہ چھ گھنٹوں کے دوران شمال مشرق کی طرف بڑھ گیا اور ایک انتہائی شدید سمندری طوفان میں تبدیل ہوگیا ہے محکمہ موسمیات کے مطابق پاکستان کی طرف پھیلے ہوئے سمندری طوفان نے ایک بار پھر اپنا رخ تبدیل کرتے ہوئے گجرات کی طرف کر دیا ہے۔ اس طوفان کے حوالے سے محکمہ موسمیات نے ریاست کی تمام بندرگاہوں پر الرٹ جاری کردیا ہے۔ محکمہ موسمیات کی جانب سے دی گئی معلومات کے مطابق 15 جون کو سمندری طوفان 150 کلومیٹر فی گھنٹہ کی رفتار سے گجرات کے کَچھ ساحل سے ٹکرائے گا۔

محکمہ موسمیات نے طوفان کے حوالے سے سوراشٹرا اور کَچھ کے ساحلوں کے لیے یلو الرٹ بھی جاری کیا ہے۔ محکمہ موسمیات نے کہا کہ کچھ وقت قبل سمندری طوفان کے گجرات سے ٹکرانے کا امکان کم تھا، اس کے باوجود سسٹم تمام حالات سے نمٹنے کے لیے تیار ہے۔ محکمہ موسمیات کی پیش گوئی کے مطابق سمندری طوفان بپرجوئے 15 جون تک گجرات پہنچ سکتا ہے۔

بِپرجوائے طوفان کی وجہ سے گجرات کے دوارکا، پوربندر اور سورت میں سمندری لہریں اونچی ہو گئی ہیں۔ اس کے بعد محکمہ موسمیات نے کَچھ، دوارکا، پوربندر، جام نگر، جوناگڑھ، موربی اور راجکوٹ سمیت دیگر علاقوں میں الرٹ جاری کیا ہے۔ طوفان کی موجودہ پوزیشن کے بارے میں بات کریں تو یہ پوربندر سے 480 کلومیٹر، دوارکا سے 530 کلومیٹر اور کَچھ کے نالیہ سے 610 کلومیٹر دور ہے۔

محکمہ موسمیات نے پیش گوئی کی ہے کہ 14 جون کی صبح تک سمندری طوفان کے شمال کی طرف بڑھنے کا قوی امکان ہے، پھر شمال مشرق کی طرف بڑھے گا اور سوراشٹرا اور کچھ سے ملحقہ پاکستان کے ساحلی علاقوں مانڈوی (گجرات) اور کراچی (پاکستان) کو عبور کرے گا۔ اس کے بعد 15 جون کو 125 سے 135 کلومیٹر فی گھنٹہ کی رفتار سے ہواؤں کے ساتھ 150 کلومیٹر فی گھنٹہ کی رفتار سے ایک شدید گردابی طوفان میں بدلنے کا قوی امکان ہے۔