اتوار کو دہلی سے نارکوٹکس کنٹرول بیورو (این سی بی) کی خصوصی تحقیقاتی ٹیم (ایس آئی ٹی) نے کروز جہاز سے منشیات کی مبینہ ضبطی کے سلسلے میں ارباز مرچنٹ اور اچیت کمار سے نو گھنٹے سے زیادہ پوچھ گچھ کی۔
ایک اہلکار نے بتایا کہ سینئر افسر سنجے کمار سنگھ کی سربراہی میں ایس آئی ٹی نے مرچنٹ اور کمار کو طلب کیا تھا۔ دونوں صبح 11.30 بجے سے دوپہر 12 بجے کے درمیان جنوبی ممبئی میں این سی بی کے دفتر پہنچے۔ انہیں رات نو بجے کے بعد جانے کی اجازت دی گئی۔
اسی دوران ایک اور اہلکار نے بتایا کہ اداکار شاہ رخ خان کے بیٹے آریان خان کو بھی اس کیس میں حکام کے سامنے پیش ہونا تھا لیکن وہ بخار کی وجہ سے نہیں آئے۔
مزید پڑھیں:منشیات فروشوں سے وصولی گئی ڈائری کیا راز چھپے ہیں ؟
این سی بی نے اداکار شاہ رخ خان کے بیٹے آرین خان، ارباز مرچنٹ اور دیگر کو ممبئی کے ساحل پر کروز شپ پر پارٹی کے دوران مبینہ طور پر منشیات برآمد کرنے کے الزام میں گرفتار کیا تھا۔ آریان خان کو ضمانت ملنے کے بعد 30 اکتوبر کو رہا کیا گیا تھا۔