یادگیر: محکمہ صحت کی جانب سے صحافیوں کو کووڈ ویکسین لگائی گئی

ریاست کرناٹک کے ضلع یادگیر کے پریس کلب میں آج محکمہ صحت کی جانب سے ضلع انتظامیہ کی زیر نگرانی صحافیوں کو کووڈ ویکسین دی گئی۔

اس موقع پر خطاب کرتے ہوئے ڈپٹی کمشنر یادگیر ڈاکٹر راگا پریا نے کہا کہ صحافیوں کو چاہئے کہ وہ اپنی صحت کا خاص خیال رکھیں کیونکہ صحافیوں کو مختلف جگہوں پر جانا پڑتا ہے جس کی وجہ سے وہ کبھی بھی کہیں بھی کسی بھی بیماری سے متاثر ہو سکتے ہیں۔

اس لئے صحافیوں کو چاہیے کہ وہ ہر وقت ماسک لگائے رکھیں، سینیٹائزر کا استعمال کریں اور سماجی فاصلے کا خاص خیال رکھیں۔

اس موقع پر صحافیوں کی تنظیم کرناٹک ورکنگ جرنلسٹ ایسوسی ایشن یادگیر کے صدر آندودھر نے ضلع انتظامیہ، محکمہ صحت کے اعلی افسران، ڈاکٹر اور نرس و دیگر تمام لوگوں کا شکریہ ادا کیا۔