ریاست کرناٹک کے گلبرگہ شہر میں فردوس نگر ویلفیر سوسائٹی کی جانب سے یہاں کے انڈین اسلامک اسکول میں کوویڈ ویکسین کیمپ منعقد کیا گیا۔
اس موقع پر ویلفیر سوسائٹی کے صدر محمد دستگیر نے کہا کہ ملک میں پھیلی ہوئی وبا کورونا وائرس سے بچنے کے لئے کوویڈ ویکسن لینا بہت ضروری ہے۔
اس لئے گلبرگہ شمال کی رکن اسمبلی کنیز فاطمہ کی مداد سے اس مسلم اکثریتی علاقے کے عوام کو ویکسین دینے کے مقصد سے اس کیمپ کو منعقد کیا گیا۔
آج یہاں پر بڑی تعداد میں عوام نے پہنچ کر ویکسین لیا۔ کنیز فاطمہ نے اس موقع پر بات کرتے ہوئے کہا کہ عوام کو ویکسن لینے کے لئے آگئے آنے کی ضرورت ہے۔ شوشل میڈیا میں کوویڈ ویکسن کے تعلق غلط فہمی پھیلائی جارہی ہے۔
انہوں نے عوام سے اپیل کی کہ وہ افواہوں پر توجہ نہ دیں اور ویکسین لینے کے لیے آگے آئیں۔ اس موقع پر رکن اسمبلی کنیز فاطمہ نے اس کیمپ کا جائزہ لیا اور ویلفر سوسائٹی کی خدمات کی ستاش کرتے ہوئے انھیں مبارکباد پش کی-