کورونا وائرس: بانہال میں سخت لاک ڈاؤن نافذ

مرکز کے زیر انتظام علاقہ جموں و کشمیر کے ضلع رامبن کے سب ڈویژن بانہال میں کورونا وائرس کی روک تھام کے لیے کل رات 7 بجے سے مکمل لاک ڈاؤن نافذ کردیا گیا ہے۔

یہ لاک ڈاؤن جمعہ کی شام 7 بجے سے لے کر پیر کی صبح 7 بجے تک نافذ کیا گیا ہے تا کہ علاقہ میں کورونا وائرس کی چین کو توڑا جاسکے۔

دوسری جانب جموں سرینگر قومی شاہراہ پر ٹریفک حسب معمول برقرار رہا۔ ضلع انتظامیہ نے عوام سے اپیل کی کہ وہ بغیر کسی ضروری کام کے گھر سے باہر نہ نکلیں۔

انتظامیہ نے عوام سے کورونا وائرس کے رہنمایانہ خطوط پر عمل کرنے کی بھی تلقین کی جن میں ماسک اور سینیٹنائزر کا استعمال اور سماجی دوری اختیار کرنا بھی شامل ہے۔