کرناٹک محکمہ صحت کے تازہ بلیٹن کے مطابق کل ریاست بھر میں مجموعی طور پر 16 لاکھ 46ہزار 303 فعال کیسز رہے جن میں مجموعی طور پر 16 ہزار 250 اموات ہوئیں جب کہ جملہ 11 لاکھ 85 ہزار 229 مریضوں کو صحتیابی کے بعد ڈسچارج کیا گیا ہے۔ بنگلورو اربن ضلع ہی میں سب سے زیادہ 22،112 تازہ کیسز اور 115 اموات درج ہوئی ہیں۔
محکمہ صحت کے مطابق میسور ضلع میں 2،685 کیسز، تمکورو میں 2،361، ہاسن میں 1،673، منڈی میں 1،367، گلبرگہ میں 1،083، دھاروار میں 1،021 کیسز، بلاری میں 990 کیسز، چکبلاپور میں 886 کیسز اور بنگلورو رورل میں 815 کیسز درج ہیں۔ جب کہ دیگر 11 اضلاع میں تقریباً 500 کیسز درج کئے گیے ہیں۔
اسی طرح ریاست کے دیگر اضلاع میں بھی متعدد پازیٹیو کیسز درج ہوئے ہیں۔ اب تک ریاست بھر میں 2.61 کروڑ سیمپلز ٹیسٹس کیے گئے ہیں جن میں آر ٹی پی سی آر و دیگر طریقوں پر کیے گئے ٹیسٹز شامل ہیں۔ جب کہ اب تک 98.77 لاکھ لوگوں کو ویکسینیشن کی پہلی اور دوسری ڈوز دی گئی ہے۔