مدھیہ پردیش کے میڈیکل ایجوکیشن وزیر ویشواس سارنگ نے آج پوری ریاست کے ساتھ دارالحکومت بھوپال میں کورونا وائرس لاک ڈاؤن اور تیسری لہر کی تیاری کو لے کر بتایا کی ریاست میں کورونا کے معاملوں میں بہتری آئی ہے۔
انہوں نے کہا کہ ہم عوام کا شکریہ ادا کرتے ہیں کہ انہوں نے کورونا گائیڈ لائن اور ریاست کے وزیراعلی کی ہدایت عمل کیا۔ ویشواس سارنگ نے کہا بھارتیہ جنتا پارٹی نے عوام کو کورونا سے آزادی دلائی ہے۔
انہوں نے کہا اگر ہم 21 اپریل کی بات کریں تو ریاست پورے ملک میں 7 ویں نمبر پر تھی تھا اور آج ہمارا ریاست 24 ویں نمبر پر ہے۔ ہمارے لئے یہ خوشی کی بات ہے کہ اب ہم مسلسل روزانہ 80 ہزار ٹیسٹ کر رہے ہیں جو کہ ایک ریکارڈ ہے۔
اب مثبت کیسس میں کمی آ رہی ہے۔ اگر ہم 1 جون کی بات کریں تو ہمارے یہاں 1 ہزار 78 مثبت معاملے تھے جس میں اب بہت کمی آئی ہے اور بہت سے اضلاع میں تو ابھی کوئی بھی کیس نہیں نکلا ہے۔
انھوں نے کہا ہماری ٹیسٹینگ میں کوئی کمی نہیں آئے گی جو پہلے تھی ویسے ہی رہے گی اور اس کے ساتھ ہی یہ بھی طے کیا جائے گا کہ دیہاتی علاقوں جو ہماری کورونا مہم چل رہی تھی وہ چلتی رہے گی اور ہم اس کے لئے پوری طرح سے تیار ہیں۔
