گزشتہ 24 گھنٹوں کے دوران اس مہلک وبأ سے صحتیاب ہونے والے افراد کی تعداد کورونا وائرس کے انفیکشن کے نئے کیسز سے کہیں زیادہ ہے۔
ملک میں صحت مند ہونے والے افراد کی تعداد میں اضافے سے کورونا وائرس کے فعال کیسز کی تعداد 5،33،787 رہ گئی ہے۔ اس کے ساتھ ہی فعال کیسز کی شرح کم ہوکر 6.42 فیصد رہ گئی۔
بدھ کے روز صحت اور خاندانی بہبود کی مرکزی وزارت کے جاری کردہ اعدادوشمار کے مطابق کورونا وائرس سے شفایابی کی شرح بڑھ کر 92.09 فیصد ہوگئی ہے جبکہ اموات کی شرح 1.48 فیصد اور ایکٹیو کیسز کی شرح 6.42 فیصد رہ گئی ہے۔
گذشتہ 24 گھنٹوں کے دوران ملک کے مختلف حصوں میں کورونا وائرس کے 46،253 نئے کیسز رپورٹ ہوئے۔ یہ مسلسل دسواں دن ہے جب کووڈ 19 کے 50 ہزار سے بھی کم کیسز درج کیے گئے ہیں۔
اس سے قبل منگل کے روز 38،310 ، پیر کو 45،231 ، اتوار کو 46،963 ، جمعہ کو 48،648 ، جمعرات کو 49،881 ، بدھ کو 43،843 ، منگل کو 36،470 اور پیر کو 45،149 کیسز رپورٹ ہوئے تھے۔