بھوپال کے کووڈ مراکز پر کورونا ویکسینیشن کا آغاز

بھوپال میں آج سے 18 سال سے زیادہ عمر کے لوگوں کو کورونا ویکسین لگانے کا کام 22 مراکز پر شروع ہوگیا۔ اس کے علاوہ بھی 47 مراکز پر ویکسینیشن کا کام شروع کردیا گیا ہے۔

سرکاری ذرائع کے مطابق 18 سے زائد عمر کے شہریوں کو 47 مراکز پر کورونا ویکسین کی خوراک دی جارہی ہے۔ ویکسینیشن کے دوران کورونا کے بڑھتے کیسز کے درمیان مکمل احتیاط برتی جارہی ہے۔ قطار میں کھڑے لوگوں سے مناسب فاصلہ برقرار رکھنے، ماسک لگانے اور سینی ٹائزر کا استعمال کرنے کو کہا گیا ہے۔

واضح رہے کہ ریاست میں اب تک 18 سے 44 سال کی عمر کے تقریباً دس ہزار شہریوں کو کورونا ویکسین لگائی جاچکی ہے۔ اس کے علاوہ 45 سال سے زیادہ عمر کے 62 لاکھ 61 ہزار سے زائد شہریوں کو پہلی خوراک اور سات لاکھ 49 ہزار سے زیادہ شہریوں کو دوسری خوراک بھی دی جاچکی ہے۔