بھارت میں کورونا کا قہر: مسلسل 12ویں روز 3 لاکھ سے زائد کیسز

ملک میں کورونا کا قہر مسلسل جاری ہے پیر کو ایک بار پھر ملک میں ساڑھے تین لاکھ سے زیادہ کیسز درج کیے گئے، جبکہ تقریبا ساڑھے تین ہزار اموات بھی ہوئی۔

وزارت صحت کی وزارت کے جاری کردہ اعداد و شمار کے مطابق گذشتہ 24 گھنٹوں کے دوران ملک میں 3 لاکھ 68 ہزار 147 نئے کیسز درج کیے گئے، جس کے بعد متاثرہ افراد کی مجموعی تعداد بڑھ کر 1کروڑ 99 لاکھ 25 ہزار 604 ہوگئی ہے۔

وہیں 3417 مریضوں کی موت ہوچکی ہے اور مرنے والوں کی کل تعداد 2 لاکھ 18 ہزار 959 ہوگئی ہے۔

اس وقت ملک میں کووڈ کے فعال مریضوں کی مجموعی تعداد 34،13،642 ہے جبکہ صحت یاب ہونے والے مریضوں کی مجموعی تعداد 1،62،93،003 ہوگئی ہے۔

قابک ذکر بات یہ ہے کہ یہ مسلسل 12 واں دن ہے جب کورونا انفیکشن کے 3 لاکھ سے زیادہ کیسز درج کیے گئے ہیں۔