شمالی کشمیر کے ضلع بانڈی پورہ کے زالپورہ سوناواری علاقے میں واقع واٹر سپلائی سینٹرWater Supply Center کے آس پاس کافی مقدار میں پانی جمع ہوگیا ہے، جس کی وجہ سے لوگوں کو چلنے پھرنے میں دشواریوں کا سامنا کرنا پڑرہا ہے۔
مقامی لوگوں کا کہنا ہے کہ یہ پانی متعلقہ فلٹریشن سینٹر کا بیک واش کا پانی Filter Backwash Water ہے، جس کی وجہ سے مذکورہ گاؤں کو جانے والی رابطہ سڑک کی حالت خستہ ہوچکی ہے، اس کے علاوہ لوگوں کو ہمیشہ خطرہ لاحق رہتا ہے۔
مزید پڑھیں:۔Dargad Village Lack of Basic Facilities: ترال کا درگڈ گاؤں بنیادی سہولیات سے محروم
مقامی لوگوں کا کہنا ہے کہ اس مسئلے کے پیش نظر وہ متعدد بار انتظامیہ کے پاس گئے، لیکن ہر بار انہیں بتایا گیا کہ اس کا ٹینڈر دیا جا چکا ہے اور جلد ہی کام شروع کیا جائے گا، تاہم بعد میں کوئی کام نہیں ہوتا ہے۔
قابل ذکر ہے کہ پانی کے جمع ہونے اور نکاسی کا کوئی انتظام نہ ہونے سے مقامی سڑک کی حالت خستہ ہوچکی ہے، جس کی وجہ سے روز مرہ کے عبور و مرور میں کافی دقتوں کا سامنا رہتا ہے۔ مقامی لوگوں نے ضلع ترقیاتی کمشنر ڈاکٹر اویس احمد سے اپیل کی کہ اس مسئلے کا ازالہ کریں، تاکہ لوگوں کو مزید مشکلات سے نجات مل سکے۔