بارہ نومبر کو کانگریس کے اوڈیشہ بند کی تیاریاں مکمل

اوڈیشہ ریاستی کانگریس کمیٹی نے 12 نومبر کو اڈیسہ بند کی اپیل کی ہے۔ پارٹی نے بند کو کامیاب بنانے کے لیے منصوبہ بندی اور تیاریاں مکمل کر لی ہیں۔ بند صبح چھ بجے سے دوپہر 12بجے تک رہے گا۔

اوڈیشہ ریاستی کانگریس کمیٹی کے نائب صدر اور سابق اراکین اسمبلی دیباشیش پٹنائک نے 12 نومبر کو ریاست گیر بند کا اعلان کیا ہے۔ انہوں نے لوگوں سے صبح چھ بجے سے دوپہر 12بجے جاری رہنے والے بند کو کامیاب بنانے کی اپیل کی۔

ریاستی کانگریس کمیٹی نے اس بند کے لیے ضروری منصوبہ بندی اور تیاریاں مکمل کر لی ہیں۔

واضح رہے کہ کانگریس نے کالاہانڈی اسکول کی ٹیچر ممتا مہر کے قتل کے اہم ملزم گوبند سنگھ ساہو کے ساتھ مبینہ تعلقات رکھنے والے وزیر مملکت برائے داخلہ دویا شنکر مشراکو برخاست کرنے اور ممتا کے کنبہ کو انصاف دلانے کے لئے جمعہ کو اوڈیشہ بند کی اپیل کی ہے۔

پٹنائک نے کہا کہ بند کے دوران ٹریفک، ٹرین خدمات، دکانیں بازار کمپلکس، تعلیمی ادارے اور دفاتر بند رہیں گے۔

انہوں نے کہا کہ پارٹی کارکن سڑکوں کو جام کرنے کے علاوہ ٹرینوں کا آپریشن بھی روکیں گے اور یہ یقینی کریں گے کہ بند کے دوران بازار، دفاتر، تعلیمی اداورں کو نہیں کھولا جائے۔

انہوں نے کہا کہ پوری ریاست میں بند پرامن طریقہ سے کیا جائے گا۔ حالانکہ اس دوران ایمبولنس،فائربریگیڈ، اسپتال جیسی لازمی خدمات کو بند کے دائرے سے باہر رکھا جائے گا۔

یواین آئی